” ئەركە گەشتیاران سەیرانگە و ناوچە كوێستانەكان پاكڕابگرن “
دیدار-زاری كرمانجی
سەرۆكی رێكخراوی وار بۆ پاراستنی ژینگە، لە دیدارێكی زاری كرمانجی دەڵێت: “ساڵانە لەم وەرزەدا گەشتیارێكی زۆری ناوخۆیی و شارەكانی عێراق و هاووڵاتییان ڕوو لە سەیرانگەو ناوچە گەشتیارییەكانی ئیدارەی سۆران دەكەن، گرنگە هەموو لایەك ژینگە دەڤەرەكە بپارێزن.
سیروان شێخ حاجی، سەرۆكی رێكخراوی وار بۆ پاراستنی ژینگە، بەزاری كرمانجی ڕاگەیاند: “هیوادارین گەشتیارەكان پاپەندی رێنمایی و پارێزەری ژینگەی كوردستان بن، بەتایبەتیش لە رۆژانی پشوو بۆنەكان یان ئەو وەرزی هاوین و وەرزی گەرما گەشتیارێكی یەكجار زۆر ڕوو لە سەیرانگەو شوێنە گەشتیارییەكان و ناوچەی كۆێستانیەكانی ئیدارەی سەربەخۆی سۆران دەكەن، زۆربەشیان گەشتیاری شارەكانی باشوور و ناوەڕاستی عێراقن، هەروەك هەڵكەوتەی جوگرافیای ئیدارەی سۆران ژینگەی سروشتی هۆكارێكی سەرەكییە بۆ ڕاكێشانی گەشتیار، مێژووی گەشتیاری ئەم ڕاستیەی سەلماندوە كە ژینگەی پاك و تەندروست هۆكاری سەرەكی ئاسوودەی مرۆ ڤ و زیندەوەران و بەرەوپێشچوونی گەشتوگوزارە”.
ئاماژە بەوەش دەدات: ” وەك رێكخراوی وار بۆ پاراستنی ژینگە هاتنی هەر وەرزێكی ساڵ لەدەستپێكدا پەیامی هۆشیاری خۆمان بڵاودەكەینەوە، لە رووی پاراستنی سروشت و ژینگەی كوردستان لەكاتی هاتنی گەشتیاران بۆ ئیدارەی سەربەخۆی سۆران، چونكە هەر چوار وەرزی ساڵ گەشتیار سەردانی ئەم دەڤەرە دەكەن بەتایبەت لە وەرزی گەرمادا، ناوچەیەكی گرنگ و هەستیارە لە رووی ژینگەییەوە بڵاوكردنەوەی رێنمای ژینگەی لە رێگای نامیلكە یان لە رێگاری رۆژنامەو دەزگای میدیایەكان و زۆرجاریش لەڕێكای ونار و وەرك شۆپ هۆشیاری ژینگەیی بلاودەكەینەوە، ئەگەر لە رووی ماددیەوە هاوكاری مان بكرێت كاری باشتر دەكەین بۆ گەیاندنی پەیامی هۆشیاری ژینگەیی .
بەرپرسی رێكخراوی وار بۆ پاراستنی ژینگە، دەشڵێت: “ساڵانە بەهۆی كەمتەرخەمی كەسانێك ئاگر لە پوش و پاوان بەردەبێت و زیانێكی زۆر بە ژینگەی دەڤەرەكە دەگات، هەروەها كەسانێك هەن بەدەستی ئەنقەست ئاگر لە پوش و پاوان و دارستان بەردەدەن، دواجار زیانێكی زۆر بەدوای خۆیەوە دەهێنێت و ڕووبەرێكی زۆری پوش و پاوان و دارستان دەسووتێت، هەروەها زۆرجار فڕێدانی شوشەی پاشماوەی خواردنەوە شەربەت و ئاو وگازییەكان بۆ ناو پۆش و پاوان، بەتایبەت لە وەرزی هاویندا لەكاتی لێدانی تیشكی خۆر دەبێتە هۆی دورست بوونی ئاگر، پیویستە گەشتیاران سەردانیكەران لەوە هۆشیار بكرێنەوە، كە لەكاتی بەكارهێنانی خواردنەوەكان لەناو ماددەی شوشە لەكاتی گەشت كردن یان پاش ماوەكانی خۆیان كۆبكەنەوە، بهێنە شوێنی تایبەت بۆ ئەوەی نەبێتە وێرانكاری ژینگەی لەوەرزی هاویندا، هەروەها هەڵكردنی ئاگر یان فڕێدانی جگەرە دەبێتە هۆی دورست بوونی ئاگر بە تایبەت لە ناوچە شاخاوییەكان .
سیروان شێخ حاجی، ئەوەش دەخاتەڕوو: “هەماهەنگی زۆر باشمان هەیە لەگەڵ دامودەزگاكان تایبەت فەرمانگای ژینگەی سۆران و بەرگری شارستانی سۆران و شارەوانی بەشیك لە رێكخراوەكان، بۆ زیاتر گرنگیدان بە پاراستنی ژینگە تایبەت میدیاییەكان و راگەیاندكارو رۆژنامەكان لەم دەڤەرە بۆ زیاتر بڵاوكردنەوەی پەیامی هۆشیاری ژینگە پارێزی لە رووی خاك و هەوا و ئاو ژینگە بە گشتی”.
لە دوا قسەكانیدا بەرپرسی رێكخراوی وار بۆ پاراستنی ژینگە، دەڵێت: “ئەو رێكخراوانەی لە بواری جۆار و جۆر كار دەكەن، دەبێت لە رووی ماددی و مەعەنەوی هاوكاربن بۆ ئەوەی زیاتركاری خۆبەخشی خۆیان بكەن بەشێوەیەكی بەرفراوان كاری باشتر تایبەت رێكخراوی ژینگەیی، ئەگەر ئەو هاوكاریە نەبێت، ناتوانن كاری خۆیان بكەن بەجددی نەبوونی هاوكاری دەبێتە خەم ساردی لە كاركردن، رێگریە لە بەردەم ئەوخزمەتەی كەساڵانە دەیكەن و چەندین رێگای تر .
