کەشناسی: پلەکانی گەرما بەشێوەیەکی بەرچاو بەرز دەبنەوە

زاری كرمانجی -سۆران:

کەشناسی هەرێمی کوردستان پێشبینییەکانی بۆ کەشوهەوای 48 کاتژمێری داهاتوو ڕاگەیاند و ئاماژەی بەوە داوە کە پلەکانی گەرما بە ڕێژەی 2 بۆ 4 پلە بەرز دەبنەوە.

بەڕێوەبەرایەتیی گشتیی کەشناسی و بوومەلەرزەزانی هەرێمی کوردستان سەبارەت بە کەشوهەوای ئەمڕۆ دووشەممە 03ـی 07ـی 2023 ڕایگەیاند: کەشی ئاسمان ساماڵ دەبێت، خێرایی با لەسەرخۆ – مامناوەند ( 10 – 15 ) کیلۆمەتر لە کاتژمێرێک دەبێت، ئاراستەی با باکوری ڕۆژئاوا دەبێت، هەروەها پلەکانی گەرما لە تۆمارکراوەکانی دوێنێ نزیک دەبێتەوە.

لەبارەی کەشوهەوای سبەی سێشەممەش کەشناسی ئاماژەی بەوە دا کە کەشی ئاسمان ساماڵ دەبێت بەگشتی، پلەکانی گەرما بەرز دەبێتەوە بە (2-4) پلە بەراورد بە تۆمارکراوەکانی ئەمڕۆ، خێرایی با لەسەرخۆ – مامناوەند ( 10 – 15 ) کیلۆمەتر لە کاتژمێرێک دەبێت، هەروەها ئاراستەی با باکوری ڕۆژئاوا دەبێت و مەودای بینین لەنێوان ( 7 – 9 ) کیلۆمەتر دەبێت.

کەشناسی هەرێمی کوردستان لە ڕاگەیەنراوەکە بەرزترین پلەکانی گەرمای پێشبینیکراوی سبەی سێشەممەی بە پلەی سیلیزی:-

هەولێر: 44 پلەی سیلیزی

سلێمانی: 40 پلەی سیلیزی

دهۆک: 41 پلەی سیلیزی

کەرکووک: 45 پلەی سیلیزی

هەڵەبجە: 44 پلەی سیلیزی

حاجی ئۆمەران: 30 پلەی سیلیزی

زاخۆ: 42 پلەی سیلیزی

سۆران: 40 پلەی سیلیزی

گەرمیان: 46 پلەی سیلیزی