زاری كرمانجی-سۆران
مەسرور بارزانی سەرۆكی حكوومەتی هەرێمی كوردستان: “کورد هەرگیز نەبۆتە مەترسی بۆ سەر ئاسایشی هیچ نەتەوەیەک هەمیشە هەوڵی پاراستنی ئاسایشی سنوورەکانی داوە.
سەرۆک وەزیران مەسرور بارزانی لە دیدارێكی کەناڵی الجزیرە ؛ سەبارەت بە پرسی کورد لە وڵاتانی ناوچەکە، جەختی لەوە کردەوە کە باشترین رێگە بۆ چارەسەرکردنی کێشەی کورد گفتوگۆ و رێگەی ئاشتییانەیە، چونکە کورد پێکهاتەیەکی رەسەنی ئەم وڵاتانەیە کە تێیدا دەژیت و ناتوانرێت نکوڵی لە بوونی کورد بکرێت.
ئاماژەی بەوەش کرد، وێناکردنی کورد وەک مەترسی بۆ سەر ئاسایشی نەتەوەیی ئێران، بابەتێکی زۆر گەورەکراوەیە و هیچ کاتێک کورد ئەو نیازەی نەبووە کە دۆخی ناوچەکە تێکبدات، بەڵکو هەمیشە هەوڵی پاراستنی ئاسایشی سنوورەکانی داوە.
