رێبوار حەمەلاو شوانی
تۆماركردنی مێژوو بە شێوەیەكی ڕاشكاو و ڕاستگۆیانە بوێری و ویژدانێكی پاك و بێگرد و پڕ لە دڵسۆزی و نیشتیمانپەوەری و پەرۆشی دەوێت كەسێكی پێشمەرگە و ڕێبەرێكی كوردپەوەر و كوردستانپەوەری دەوێت،كە سات بە سات و قۆناغ بە قۆناغی رووداو و پێشهاتە مێژووییەكان وەك خۆی بە رۆحێكی كوردانە و دوور لە بەرژەوەندی حزبی بەڵكو لە خەمخۆری نیشتیمانەكەی و لە پێناو باسكردنی راستییەكان بۆ ئێستا و ئایندە وەك خۆی بنووسێتەوە و تێیدا باس لە هەڵوێست و نەهامەتی و دەستكەوت وگرفتەكانی گەل و نیشتمانەكەی بكات، رەنگە ئەو رووداوانە بە سەر زۆرێك لە گەل و نەتەوەكانی ناوچەكە و جیهاندا لە قۆناغەكانی خەبات و حكومڕانییان گوزەری كردبێت بە بێ شێواندن و بەلارێدا بردنی راستییەكان كە حەقە بە ویژدانەوە ئاكادێمی و زانایان و مامۆستایان وەك بەشێكی گرنگی مێژوویی خەباتی ڕەوایی گەلەكەمان هەڵوەستەی لە سەر بكەن و بۆ هەموولایەك ببێتە پەند وانەیەكی گرنگ وباش لە پێناو پارێزگاری لە شوناس و دەستكەوتەكان لەلایەك و هەروەها بەهێزی كردنی رۆحی تەبایی و یەك هەڵوێستی و بەرژەوەندییە باڵاكانی كورد وكوردستان لە جێگەی بەرژەوەندی شەخسی و حیزبی بەرتەسك .
گەلی كورد وەك نەتەوەیەكی ڕەسەن و خاوەن جوگرافیا وخاكی و مێژووییەكی ڕەسەنی سەدان ساڵە بە هۆی داگیركردنی خاك و نیشتیمانی و دابەشكردنی و نەبوونی دەوڵەتی سەربەخۆیی تایبەت بەخۆی هەردەم لە ژێر هەرەشەی داگیركەران و دوژمنانی بووە لەگەڵ ئەوەشدا زۆرجار هەوڵی شێواندن و سرینەوە مێژوو و ڕەسەنایەتی دراوە ، بۆیە زۆر گرنگە لە پێناو پاراستنی ئەو شوناس ومێژووە گرنگە و زانیارییانە لە مەترسی لە ناوچوون كە رەنگە دوژمنان بەتایبەت لە ناوچە ستراتیژیی و گرنگەكانی كوردستان وەك كەركووك و خانەقین و شەنگال و هتد كە داگیركەران هەمیشە مەرامیان ئەوە بووە تا مێژوویی ئەم گەل ڕەسەنە بسرنەوە .
بۆیە، نەیاران و داگیركەران و دوژمنانی كوردستان نەك هەر ویستیان ئەوە بووە تا مێژوو بشێوێنن و بسرنەوە بەڵكو هەموو ئەو سیناریۆیانەی كە لە قۆناغێك لە قۆناغەكان بەرامبەر بە كورد ئەنجامیانداوە یانیش ویستیان ئەوە بوو بێت كە لە سەردەمێكی تر بەو جۆرەی كە خۆیان دەیانەوێت و بەویستی خۆیان راستییەكان باس بكەن یانیش بە شێوەیەك بێت كە راستیەكان وبشوێنرێت ، بەڵام بو نەتەوەیەك كە خوای گەروە رێبەر و پێشمەرگە و سەرۆكێكی دڵسۆز و ڕاستگۆ و ڕاشكاویی پێبەخشیووە و كە بەدرێژایی مێژوو و تەمەنی ئەزموون و رووداو و پێشهاتی بینیووە و كەسایەتییەكی كارێزما بووە بۆ بەدەستهیێنانی دەستكەوتەكان و سەركەوتنە پڕشانازییەكان و ئینجا ڕووبەرووبوونەوەی كارەسات و نەهامەتیی وپیلانگێری و گەلەكۆمەكییەكان كە بەدەستی خۆی نووسیووەتەوە تا ڕاستی ومێژووەكان وەك خۆی بمێنێتەوە و نەوەكانی ئایندە ئاگاداری رووداو و پێشهاتەكان بن ، بۆیە هەموو ئەو پەرتووكانەی كە ڕێبەرو پێشمەرگە و سەرۆك بارزانی لە نزیكەوە نووسیوێتییەوە لەلایەك وردبینی و ژیری ودانایی سەرۆك بارزانییە بۆ مێژوویی ئایندەی نەتەوەكە لەلایەكی دیكەشەوە شكستپێهێنانە بە پیلان وخەونی دوژمنان نەتەوە و نیشتیمانە ، هەروەها وانەیەكی پڕبایەخ و گرنگی مێژووییە بۆ ئەو نەتەوەیە كە بە چ قۆناغ و رووداوگەلێكدا گوزەری كردووە و بە چ شێوازێك گەیشتۆتە ئەم قۆناغە و چۆن ڕووبەڕووی نەهامەتی و پیلانگێرییە شوومەكان بۆتەوە و پارێزگاری لە ئەزموون و دەستكەوتەكانی كردووە ، ئەوەش دەوڵەمەندی رابەر و سەركردەیەكی كارێزمایە كه بۆ ئێستامان ئەو كتێبە مێژووییە گرانبەها و پڕ بایەخەی مێژوو خەباتی شارستانی و دیموكراسی گەلەكەمان ڕاشكاوانە و ڕاستگۆیانە دەكەوێتە بەردەستمان .
بە گوێدان بەوەی كە رەنگە ئەو مێژووییە لەلایەن رۆژنامەیەك و یانیش نووسەرێكی بیانی كە رەنگە دوور یا نزیك لە نێو ئەو رووداوە میژووییانە نەبێت نووسرابێتەوە و ئینجا ئێمەش بە گومانەوە بروانییە ئەو زانیاریی و پێشهاتانە ، چونكە پارێژگاریكردنی لە شوناسی مێژوویی بەشێكی گرنگی دیكومێنتاری هەر گەل ونەتەوەیەكە بۆ داهاتوویی نەوەكانی ئایندە و چ خەڵكانی تر تا كو هەموو راستییەكان بزانن كە چۆن ئەو دەستكەوت و شانازییانە بەدەسهێنراون و چەندە قوربانیی و خۆراگری بۆ كراوە .
هەروەها بایەخێكی تر ئەو بەڵگە مێژووییانەی پەرتووكەكانی سەرۆك بارزانیی لە رووی ئاكادێمی و زانستییەوە سەرچاوەیەكی گرنگە بەوە ئەو كەسایەتییەی كە ئەو رووداو و پێشهاتانەی نووسیووەتەوە و یەكدەستە و لە نێو رووداو و پێشهاتەكان بووە و تۆماری كردووە دوور لە وەرگرتنی زانیاری ناراست و لە كەسان و مێژوونووسانی دیكە ، كە ئەوەش خەمخۆر و دڵسۆزی ئەو ڕێبەرەیە كە لە گشت قۆناغەكانی تەمەنی خەبات و كوردایەتیی چەندە بەرپرسیاریەتیی نەتەوە و نیشتمانەكەی بە ئەستۆگرتووە ، چونكە ئەستەمە لە هەر سەركردەیەكی تر بەم جۆرە و ویژدانەوە مێژووی وەك خۆی نووسیوەتەوە و ئێستاش خەبات و تێكۆشانی بەردەوام بۆ گەیاندنی ئەو گەل و نەتەوەیەكە بۆ كەناری دڵنییایی و ئاڕامی بە تایبەت كە رووداو و پێشهاتی نەخوازراو و پیلانگێری زۆر لە بەردەم خەباتی شارستانیمان و ئەم ئەزموونەیە كە بەرهەمی خەبات و قوربانیدانی دەیان ساڵە و ئومێدی نەتەوەیەكە .
هەموو ئەو پەرتووكە پربایەخە گرانبەهایانە بەشێكی دیكەی خەبات بیروهزری و نەتەوەییە كە ئەرشیڤێكی گرنگە خەباتی پرشانازییە لە قۆناغی هەنگاو بەهەنگاو گەلی كەكەمانە تا هەمیشە لە بەرچاو بێت و ون نەبن.نووسینەوەی ئەو مێژووە ئەرشیفێكی ستراتیژییە كە لە هەموو قۆناغەكان ڕێگری لە هەموو ئەو شەر میدیایی و تابووری پێنجەمانە بگرێت بەتایبەت كە رێبەرێكی كارێزمای وەك سەرۆك بارزانی نووسیوێتیەوە.بەها و بایەخی ئەو پەرتووكانەی سەرۆك بارزانیی بە شێوەك بـێ كۆتایین كە لە هەر گۆشەنیگایەكەوە تێبروانیی تێیدا كۆتایی نایەت لە زۆر لە بوارەكانی سیاسی، كۆمەڵایەتی ، خەبات و دیپلۆماسی و گۆشەنیگاكانی دیكەوە .
