ئیلهام ئەحمەد: پرسی ئاشتی پێویستی بە گۆڕینی عەقڵیەت و سیستەمی سیاسی هەیە

زاری كرمانجی :

بەرپرسی پەیوەندییەكانی خۆسەر ڕایگەیاند، پرسی كورد، یەكەم جار پێویستی بە “عەقڵیەتێك” هەیە كە بتوانێت عەقڵ لەجیاتی چەك بەكار بهێنێت.
ئەمڕۆ چوارشەممە، 19ـی تشرینی دووەمی 2025، لە سێیەمین ڕێوڕەسمی كۆڕبەندی شەشەمین مێپس بۆ ئاشتی و ئاسایشی ڕۆژهەڵاتی ناوەڕاست لە دهۆك، ئیلهام ئەحمەد، بەرپرسی پەیوەندییەكانی خۆسەر، تیشكی خستە سەر گرنگی پرسی ئاشتی لە ناوچەكەدا و ئاماژەی بەوەدا كە ئەم پرسە بۆ كورد، یەكەم جار پێویستی بە “عەقڵیەتێك” هەیە كە بتوانێت عەقڵ لەجیاتی چەك بەكار بهێنێت. جەختی لەسەر ئەوەش كردەوە، ئەم پرسە بۆ ڕۆژهەڵاتی ناوەڕاست و بەتایبەتی سووریا، زۆر تایبەتە.
ئیلهام ئەحمەد ڕوونیشی كردەوە، “ئەم عەقڵیەتە لەناوخۆدا پرسێكی نەتەوەییە و چەندان ساڵە چارەسەر نەبووە، هێشتا گەلی كورد بێ مافە.” گوتیشی، لە سووریا “هەم مافی سیاسی و هەم مافی نەتەوەیش خراوەتە ژێر پێ.” ئاماژەی بەوەدا، ئەم دۆخە لە سەردەمی ڕژێمیشدا هەروابوو، و تا ئێستاش لە بواری سیاسیدا بۆ هەموو خەڵكی سووریا بەبێ مافە و مافی ژیانی سیاسی و ڕۆژانەی وەك نەتەوە دابین نەكراوە.
سەبارەت بە پرسی ئافرەتان، ئیلهام ئەحمەد گوتی: “پرسی ئافرەت یەكێكە لە پرسە گرنگەكانی ئاشتی كە تا ئێستا چارەسەر نەبووە.” هەر بۆیە داوای كرد، پێویستە ناكۆكییەكان لەناو خانەوادە و كۆمەڵگا و حكوومەتدا نەمێنن، بەتایبەتی ئەو حكوومەتانەی سیاسەتێكی تاكلایەنە بەڕێوە دەبەن.
بەرپرسی پەیوەندییەكانی خۆسەر ڕایگەیاند: “ئەگەر ئەمڕۆ لە سووریادا ئاشتییەك نییە و نەهاتووەتە دی، ئەوانە پرسێكی سەرەكی و گرنگی سیستەمن.” گوتیشی، سیستەمێكی تەواوی مەركەزی، سیستەمێكی لایەنێكی دەسەڵاتدار، “یەك زمان و یەك ڕەنگ” لەوەتەی هاتووەتە ڕێكخستن، لەناو هەموو كۆمەڵگا و لایەنەكان دەچەوسێنرێنەوە و مافەكانیان پشتگوێ دەخرێن. هۆكاری ئەم ناكۆكییەش شەڕ و جەنگە.
بۆ چارەسەركردنی ئەم دۆخە، ئیلهام ئەحمەد پێی وایە: “پێویستە بە بیر و هۆش ڕێگری لێبكرێت، ئەو عەقڵیەتەش مافی تەواوی لایەنەكانی سووریا قبووڵ بكات لەسەر ئەو بنەمایە دەبێت دەستوورێكی بنچینەی دابنێت.”