زاری كرمانجی – سۆران:
لە یەكێك لە نەخۆشخانەكانی سلێمانی نێچیرڤان بارزانی سەردانی بریندارەكانی داڕمانی بینای ماڵێكی سلێمانی كرد، بە میدیاكانی ڕاگەیاند:كارەساتێكی ناخۆشبوو لە كوردستان هەموو ماڵێ پرسەیە، لەبارەی هەڵبژاردنەوە گوتی، لەماوەی ساڵیكدا هەڵبژاردن بەڕیوە دەچێت و پارتی پەڕەیەكی نوێ هەڵداوەتەوە سەردانی هەموو حزبەكان دەكەین.
نێچیرڤان بارزانی سەرۆكی هەرێمی كوردستان لە كاتی بەسەركردنەوەی بریندارەكانی دوو شەوی ڕابردووی سلێمانی بە میدیاكانی ڕاگەیاند:” كارەساتێكی تاكو بڵێ ناخۆشبوو ئەمڕۆ بەڕای من لە كوردستان دوور لەوەی من بەرپرسیارەتی من یان ئەوی تر چییە، هەموومان خەمبارین و لە هەموو ماڵێ ،ئەمڕۆ پرسە هەیە بۆ ئەو كارەساتەی ڕویدا ئەوەی هاتووین سەردان بكەین بەبەرپرسیارەتی خۆمانی زانییەوە هاتووین لە نزیكەوە بیان بینین و چیشیان پێویستبی ئێمە بۆیان دەكەین”.
نیچیرڤان بارزانی وتیشی:” بابەتی سەلامەتییە بەتاكید حكوومەت لێكۆڵینەوە دەكات،دەبێت ئەو هەنگاوانەی پێویستە بۆ زیاتر سەلامەتی هاوڵاتییان چونكە كاری حكوومەت چییە، كاری حكوومەت ئەوەیە خزمەت گوزاری و خزمەتی هاوڵاتییانی هەرێم بكات لەبەر ئەوە بەتەكیدی، لەسەر ئەم بابەتە ڕادەوەستێت هەڵوێستەی لەسەر دەكات و چی پێویستبێ بابەتی ڕێنمایی و گۆڕینی یاسا هەرچی پێویستبێ جێبەجێ دەكات”.
سەرۆكی هەرێمی كوردستان لە بارەی هەڵبژاردن بە میدیاكانی ڕاگەیاند:” بەنسبەت هەڵبژاردن من وەك سەرۆكی هەرێمی كوردستان ،بەپێ بەرپرسیارەتی خۆم نامەم بۆ ناردووە بۆ پەرلەمان هیوادارین حزبەكان لەسەر ئەم بابەتە ڕیك بكەون تەمەنی پەرلەمان بۆ ساڵێ درێژ كراوەتەوە، بە تەكید دەبێت لەم ساڵەدا هەڵبژاردن بكرێت”.
ئاماژەی بەوەشكرد:” ئەوەی ڕون و ئاشكرایە ئێمە بەبێ ئەوەی یەكدەنگبین و ڕێكبین ناتوانین هیچ دەستكەوتێك بۆ ئەم هەرێم و وڵاتە بەدەست بهێنین ،ئێمە حزبی جیاوازین بەتەكید بیر و بۆچونی جیاوازیشیان هەیە خۆناكرێت ،بەكو یەك هەموو فكر بكەینەوە بەڵام ئەوەی گرنگە بەرچەوەندی كوردستان لە سەروی هەموو حزبایەتی و هەموو شتێكەوە بێت،پێم وایە ئێمە دەتوانین كێشەكان چارەسەر بكەین”.
وتیشی:” ئەگەر دیقەتی دووای كۆنگرەی پارتی بدەن، بەیانامەی كۆمیتەی ناوەندی پارتی دیموكراتی كوردستان ،دەڵێ ئێمە پەڕەیەكی نوێ دەكەینەوە دەست بە دانوستاندن و سەردانی سەردانی حزبەكانیش دەكەین، هەوڵی جدیش دەدرێت هەموو كێشەكان بەشێوەیەكی دیالۆگ و لەسەر مێزی گفتوگۆ چارەسەر بكرێت ،سەردانی یەكێتیی و حزبەكانی تریش دەكەین”.
