مەهدی محەممەد – زاری كرمانجی :
وەزارەتی دەرەوەی ئەمریكا خۆشحاڵیی خۆی بە ڕێككەوتنی بازرگانیی هەرێمی كوردستان لەگەڵ كۆمپانیا ئەمریكییەكان ڕاگەیاند و دەڵێت “ڕێككەوتنەكە بەرهەمهێنانی گاز لە عێراق فراوانتر دەكات.”
وەزارەتی دەرەوەی ئەمەریكا، ئەمڕۆ چوارشەممە 21ـی ئایاری 2025، لە تۆڕی كۆمەڵایەتیی ئێكس ڕاگەیاند “دڵخۆشین كە دەبینین پەیوەندییە بازرگانییەكانی نێوان ئەمریكا و هەرێمی كوردستان فراوانتر دەبن بە واژۆكردنی ڕێككەوتننامەكان لەگەڵ كۆمپانیا ئەمریكییەكان.” وەزارەتی دەرەوەی ئەمەریكا جەخت لەوەش دەكاتەوە كە ئەم جۆرە هاوبەشییان، بەرهەمهێنانی گاز لە عێراق فراوانتر دەكەن و سوود بە گەلی هەردوولا دەگەیەنن .
ڕۆژی 19ـی ئایاری 2025، لە ڕێوڕەسمێكی تایبەتدا لە واشنتن، مەسروور بارزانی سەرۆكی حكومەتی كوردستان دوو گرێبەستی گەورەی لە بواری وزەدا بە بەهای زیاتر لە 100 ملیار دۆلار، لەگەڵ دوو كۆمپانیای ناسراوی ئەمریكی، وێسترن زاگرۆس و HKN Energy، واژۆ كرد.
