زاری كرمانجی
بانکی ناوەندیی عێراق سیستمێکی ئەلیکترۆنیی نوێی بۆ گۆڕینەوەی دراوی تێکچوو (تالف) خستەگەڕ، ئەمەش لە چوارچێوەی هەوڵەکانیدا بۆ ئاسانکاریکردن لە ڕێکارەکان و پێشکەشکردنی خزمەتگوزارییەکە بە هاووڵاتییان بە شێوەیەکی خێراتر و ڕێکخراوتر.
🔹 سیستمەکە ڕێگە بە هاووڵاتییان دەدات داواکارییەکانیان بۆ گۆڕینەوەی دراوی تێکچوو بە شێوەی ئەلیکترۆنی لە ڕێگەی دەسەڵاتی پەیوەندیدار یان پلاتفۆرمی «ئۆر» پێشکەش بکەن، بە تۆمارکردن و جێگیرکردنی زانیارییە پێویستەکان، پاشان لایەنە پەیوەندیدارەکان لە بانکی ناوەندیی عێراق ڕێکارەکانی پێویست بۆ تەواوکردنی پرۆسەی گۆڕینەوەکە ئەنجام دەدەن.
🔸 دامەزراندنی ئەم سیستمە لە چوارچێوەی ئاراستەکانی بانکی ناوەندیی عێراقدایە بەرەو گۆڕانی دیجیتاڵی و پەرەپێدانی ئەو خزمەتگوزارییانەی پێشکەش بە هاووڵاتییان دەکرێن، بە جۆرێک کە بەشداربێت لە ئاسانکاریکردن لە ڕێکارەکان، کەمکردنەوەی کات و هەوڵ، و بەرزکردنەوەی کوالێتی و کارایی خزمەتگوزارییە بانکییەکان بۆ هاووڵاتییان.
