ئادار عەبدوڵڵا _ زاری کرمانجی
توێژەرانی زانکۆی کامبریج لەم دواییانەدا یەکەم ڤاکسینی جیهانیان پەرەپێدا کە لەلایەن زیرەکی دەستکرد (AI) دیزاین کراوە و بە سەرکەوتوویی لەسەر مرۆڤ تاقیکردەوە.
ڤاکسینەکە بەکاردێت بۆ پاراستنی مرۆڤ لە ڤایرۆسەکانی تر وەک ساربیکۆڤایرۆس و سارس-کۆڤ-٢، ئەو ڤایرۆسەی کە دەبێتە هۆی کۆڤید.
بەپێی ماڵپەڕی جیهانی : Medical News Today قسەی لەگەڵ پزیشکی ڤایرۆسناس و زانایەکی AI کرد بۆ گفتوگۆکردن لەسەر سەلامەتی و کاریگەری ڤاکسینەکە، هەروەها چۆن AI دەتوانێت یارمەتی زانایان بدات بۆ پەرەپێدانی ڤاکسینی گشتگیر.
یەکەم ڤاکسینی مرۆڤ لە جیهاندا کە لەلایەن زیرەکی دەستکرد (AI) دیزاین کراوە و لەلایەن زانایانی زانکۆی کامبریج پەرەی پێدراوە، لە تاقیکردنەوە سەرەتاییەکانیدا بە سەرکەوتوویی دەرچووە و لە ئێستادا تاقیکردنەوەی زیاتری لەسەرە. ئەوەی ئەم ڤاکسینە جیاواز دەکاتەوە لە ڤاکسینە تەقلیدیەکان ئەوەیە دیزاینێکی بێ دەرزی هەیە، بە بەکارهێنانی دەرزی جێت تایبەتمەند لە ڕێگەی سیستەمی فارما جێت ترۆپیسەوە. لەبری ئەوەی پێست بە سرنجێکی کانزایی تەقلیدی کون بکات، داینامیکی شلە بەکاردەهێنێت بۆ گەیاندنی پێکهاتەکانی ڤاکسینەکە.
