وەیسی شێروانی
کاتێک کوالێتی دەبێتە متمانە: پڕۆژەی زۆم وەک نموونەی باڵای بەرهەمی خۆماڵی لە کوردستان دەبینرێت
کاتێک پڕۆژەیەکی وەک کارگەی شیرەمەنی زۆم دەگاتە ئەم ئاستە و دەبێتە سیمبولی متمانە بە بەرهەمی خۆمالی، ئیتر بابەتەکە تەنیا بەرهەمهێنانی ماست و شیر نییە، بەڵکو دەبێتە چیرۆکێکی سەرکەوتنی نیشتیمانی و بەردی بناغەی شۆڕشی متمانە بە بەرهەمی خۆمالی و خۆبژێوی ئابووری.
ئەم جۆرە پڕۆژە ستراتیژیانە لە چەند لایەنێکی گرنگەوە دەبنە نموونە:
١. گۆڕینی متمانەی خەلک (بەکاربەر)
بۆ ساڵانێکی زۆر، هاووڵاتیان متمانەی زیاتریان بە بەرهەمی بیانی و هاوردە هەبوو، بەڵام کاتێک بڕاندێکی خۆماڵی وەکۆ زۆم دەتوانێت ٣ سێ بڕوانامەی ئایزۆی نێودەوڵەتی بەدەستبهێنێت و ناوی بچێتە ناو کتێبەکانی باوکی مارکێتینگی جیهانی (فیلیپ کۆتلەر)، ئەو باوەڕە پێچەوانە دەکاتەوە. ئەمە دەیسەلمێنێت کە دەستی کاری ناوخۆیی و کەرەستەی خاوی کوردستان دەتوانێت ڕکابەری بەرزترین بەرهەمی ستانداردی جیهانی بکات.
٢. شۆڕشی خۆبژێوی و ئابووریی بازنەیی
گرنگی ئەم کارگەیە لەوەدایە کە زنجیرەیەکی ئابووریی تەواو دروست دەکات:
جووتیار بەروبوومی کشتوکاڵی بە ئاژەڵدار دەفرۆشێت.
ئاژەڵدار شیرەکە بە کارگەکە دەفرۆشێت و داهاتی بەردەوامی هەیە
هاووڵاتی بەرهەمێکی ١٠٠٪ سروشتی و تەندروست و بێ ماددەی پارێزەر دەخوات.
ئەم بازنەیە وا دەکات سەرمایەی نیشتیمانی لە ناوخۆدا بمێنێتەوە و نەچێتە دەرەوە، ئەمەش پێناسەی ڕاستەقینەی ئاسایشی خۆراک و خۆبژێوییە.
٣. بوژاندنەوەی گوندەکان و ڕێگری لە کۆچ و ڕەخساندنی هەلی کار
کاتێک کۆمپانیایەک تەنیا لە سنووری هەولێر، دهۆک و سۆران نزیکەی ٣٠٠٠ سێ هەزار خێزانی گوندنشین دەکاتە هاوبەشی داهاتی خۆی، لە ڕاستیدا کار لەسەر ڕاگرتنی هاوسەنگی کۆمەڵایەتی دەکات. ئەمە وادەکات گوندنشینان لەسەر زێدی خۆیان بمێننەوە و پەرە بە سامانی ئاژەڵی و کشتوکالی بدەن.
ڕێزدار مەلا مستەفا بارزانی خاوەن دیدگایەکی نیشتیمانی و مۆدێرن، ئەو باوەڕی وایە کوردستان دەتوانێت لە کەرتی پیشەسازیی خۆراک و کشتوکال و ئاژەلداری ببێتە خاوەن بڕیار و پێشەنگ. پاڵپشتیکردنی ئەم جۆرە پڕۆژانە، پاڵپشتیکردنە لە سەربەخۆی ئابووری و داهاتوویەکی تەندروستتر بۆ نەوەکانمان.
ئەم پڕۆژە نیشتمانییە ڕەنگدانەوەی ڕوئیای نیشتمانیی بەڕێزیانە کە هەمیشە خەمخۆر بووە بۆ گرنگیدان بەم جۆرە پڕۆژە ستراتیژی و بونیادنەرانەیە بۆ پێشخستنی کەرتی کشتوکالی و ئاژەلداری و بوژاندنەوەی گوندەکان و ئاوەدان کردنەوەیان بۆ ڕەخساندنی هەلی کارو داهاتوویەکی باشتر بۆ نەوەکانی داهاتوو.
