شەهلا سۆفی- زاری کرمانجی:
ڕاپۆرتێکی نوێ باس لەوە دەکات کە خواردنی میوە بە بەردەوامی یەکێکە لە ئاسانترین ڕێگاکان بۆ تەندروست مانەوە. ڕێکخراوی تەندروستی جیهانی ڕێنمایی دەکات کە مرۆڤ بەلایەنی کەمەوە 400 گرام سەوزە و میوە بخوات، ئەمەش خوویەک کە دەبێتە هۆی کەمکردنەوەی ئەگەری تووشبوون بە نەخۆشییەکانی دڵ و هەندێک شێرپەنجە. لە ڕاپۆرتەکەدا چەند میوەیەک وەک بژاردەی تەندروستتر دەستنیشان کراوە. مۆز یارمەتی کۆنترۆڵکردنی پەستانی خوێن و تەندروستی ماسولکەکان و کارکردنی مێشک دەدات بەهۆی پۆتاسیۆم و ڕیشاڵ و ڤیتامین B6. هەروەها سێو و گوێزی هیندی بڕێکی زۆر ڕیشاڵی تێدایە و بۆ تەندروستی هەرس و دڵیش باشە. بەڵام شارەزایان جەخت لەوە دەکەنەوە کە جۆراوجۆری و هاوسەنگی گرنگترین بنەماکانن، بەو پێیەی هەر میوەیەک پێکهاتەی خۆراکی جیاوازی هەیە و خواردنی جۆراوجۆر زۆرترین سوود بۆ جەستە دابین دەکات. لە کۆتاییدا تەنانەت شەربەتی میوەی بەستوو، وشککراوە یان سروشتی دەتوانێت بەشێک بێت لەم بەشە ڕۆژانەیە و یارمەتیدەر بێت بۆ پاراستنی خۆراکی تەندروست.
