وەرزشی

شه‌هلا سۆفى- زارى كرمانجى: دڵەڕاوکێ و خەمۆکی دوو لە گرفتە باوەکانی تەندروستی دەروونین، و دەکرێت لە یەک کاتدا لە زۆر...

5 پاس بۆ هاندەران دابین كراون یانەی ڕواندز ئاگاداری هاندەرانی دەكاتەوە بۆ یارییەكەی سبە 5 پاس دابینکراون بۆ گواستنەوەی هاندەران...

سەرجەم بەربژێرانی خەڵاتەکانی باڵۆن دۆر بۆ ساڵی 2026 ئاشکرا کران، لەسەر ئاستی پیاوان پێشبینی دەکرێت هاری کەین و لامین یامال...

زاری كرمانجی سەرۆكی لەشجوانی لە سۆران، بە زاری كرمانجی ڕاگەیاند:" ئاگاداری وەرزشوانان و لەشجوانانی خۆشەویستی ئیدارەی سۆران دەكەینەوە كە خوڵی...

ئادار عەبدوڵڵا _ زاری کرمانجی خولێکی بچوککراوەی تۆپی پێ لە سۆران و قەزاکانی دەورووبەری دەکرێتەوە بۆ مەبەستی زیاتر نزیک بوونەوە...

دەستەی کارگێڕی یانەی وەرزشی هەولێر، بە فەرمی ئیدانەی هێرشکردنە سەر هاندەران و پاسەکانی گواستنەوەی یانەکەی لە شاری بەغدا کرد، کە...

راپۆرتێکی رۆژنامەڤانی، ئەمڕۆ پێنجشەممە، جەختی کردەوە کە رۆدری، کە وەک یەکێک لە دیارترین گرێبەستەکانی هاوین پەیوەندی بە بارسێلۆناوە کرد، لە ئێستاوە هەندێک گومانی لە لایەن دەستەی تەکنیکی بە سەرکردایەتی هانزی فلیکی ئەڵمانی دروست کردووە. بارسێلۆنا یەکێک لە گەورەترین گرێبەستەکانی هاوینی یەکلاکردەوە. لەکاتێکدا وادیاربوو رۆدری لە رێگادایە بەرەو ریال مەدرید، یانە کەتەلۆنییەکە توانی گرێبەستەکە لە قورگی ریال مەدرید دەربێنێت و باشترین یاریزانی مۆندیالی رابردوو بۆ ریزەکانی بگوازێتەوە. ئەم گرێبەستە وەک سەرکەوتنێکی وەرزشیی گەورە هەژمارکرا، چونکە بلاوگرانا بەڕوونی توانی یاریزانەکە لە رکابەرە مێژووییەکەی بڕفێنێت. لە لایەکی دیکەوە، دەگووترێت یاریزانەکە بارسێلۆنای هەڵبژاردووە بەهۆی شێوازی یاریکردنی تیپەکەوە، کە پێیوایە زیاتر لەگەڵ تایبەتمەندییەکانیدا دەگونجێت. هەروەها ئارەزووی کردووە لە تەنیشت چەندین هاوڕێی لە هەڵبژاردەی نیشتمانی یاری بکات، کە پەیوەندییەکی باشی لەگەڵیاندا هەیە. تاوەکو ئێستا، یاریزانی پێشووی مانچێستەر سیتی و ئاتلێتیکۆ مەدرید تەنیا لە دوو یاریی خولی ئیسپانیدا بەشداری کردووە، کە نزیکەی بیست خولەک بەرامبەر ئاتلێتیک بیلباو و پاشان بەرامبەر رایۆ ڤاییکانۆ یاری کردووە، بەڵام هەموو ئاماژەکان بۆ ئەوەن کە بەم زووانە دەبێتە یاریزانێکی سەرەکی. سەرەڕای ئەوەش، بەرنامەی ئێل چیرینگیتۆ زانیارییەکی نیگەرانکەری ئاشکرا کردووە. لە بارسێلۆنا، رۆدری مەرج نییە وەک یاریزانێکی سەرەکی و هێڵی سوور هەژمار بکرێت. هانزی فلیک و ستافی راهێنەرانی پێیانوایە یاریزانەکە ناتوانێت نزیکەی 60 یاری لە وەرزێکدا وەک یاریزانی سەرەکی ئەنجام بدات، بۆیە شوێنە سەرەکییەکەی لەگەڵ مارک بێرناڵ دابەش دەکات، بەشێوەیەک کە هەردوو یاریزانی هێڵی ناوەڕاست کاتی یاریکردن بە یەکسانی لەنێوانیاندا دابەش دەکەن. پێویستە ئاماژە بەوە بکرێت کە یاریزانەکە لە هاویندا نەشتەرگەرییەکی بچووکی بۆ پشتی ئەنجامداوە، ئەمەش بەشێوەیەکی لۆژیکی کاریگەری لەسەر مەشق و راهێنانەکانی پێش وەرز هەبووە. لەگەڵ ئەوەشدا، گومانەکان سەبارەت بە توانای جەستەیی ئەو پێش مۆندیالیش هەبوون، و تەنانەت لە گفتوگۆکانی ناو هەڵبژاردەی ئیسپانیاشدا باسیان لێوە دەکرا. بۆیە لۆژیکییە وابیربکەینەوە کە هانزی فلیک بەشێوەیەکی سەرەکی لە یارییە گەورەکاندا پشت بەم یاریزانە بەئەزموونە دەبەستێت، و مارک بێرناڵیش کە وەک جێگرەوەی ئەو لە بارسێلۆنا و هەڵبژاردەی ئیسپانیا دەبینرێت، دەکرێت هەلی یاریکردنی لە یارییە کەمتر گرنگەکانی خولی ئیسپانیادا بۆ بڕەخسێت، وەک ئەوەی لە سەرەتای ئەم وەرزەدا روویدا.

ریال مەدرید بۆ یەکەمجار لە وەرزی 2026-27 تامی تاڵی شکستی چەشت، دوای ئەوەی لە یارییەکی پڕ لە درامای وەرزشیدا بە گۆڵێکی بێوەڵام لەبەردەم ریال بێتیس تووشی شکست بوو.  جۆزێ مۆرینیۆ بۆ ئەم رووبەڕووبوونەوەیە بڕیاریدا بە پێکهاتەیەکی جیاوازەوە دەرکەوێت و دێنزێل دەمفرێس، ئیبراهیما کۆناتێ و ئاردا گولەری گەڕاندەوە ناو یاریگا. هەرچەندە تیپەکەی جۆزێ مۆرینیۆ سەرەتایەکی بەهێزی هەبوو، بەڵام بێبەختی و بەهێزیی بەرگریی بێتیس رێگر بوون لەوەی ریال مەدرید پێش بکەوێت. سێ خولەک پێش کۆتایی هاتنی نیوەی یەکەم، کیلیان ئێمباپێ دوو هەلی زێڕینی لەدەستدا کاتێک ناتان و مارک بارترا بە فیداکارییەکی زۆرەوە رێگەیان نەدا ئێمباپێ پێنجەم گۆڵی وەرزەکەی تۆمار بکات، بەوەش نیوەی یەکەم بەبێ گۆڵ کۆتایی هات. لە نیوەی دووەمدا، گوشارەکانی ریال مەدرید کەمبوونەوە و بێتیس وردە وردە هاتە ناو کەش و هەوای یارییەکەوە. لە خولەکی 81دا، کاتێک تێبۆ کۆرتوا بە شێوەیەکی ناوازە رێگری لە لێدانی سەری نێڵسۆن دیۆسا کرد، بەڵام تۆپەکە گەڕایەوە بەردەم ترۆی بارۆتی یەدەگ و ئەویش تۆڕی گۆڵی هەژاند. دوای گۆڵەکە، یارییەکە چووە نێو لوتکەی درامای تەکنەلۆژیای (VAR)؛ کارلۆس ئیسپی تەنیا چەند چرکەیەک دوای هاتنە ناوەوەی، گۆڵێکی سەرنجڕاکێشی تۆمارکرد، بەڵام ڤار دڵی مەدریدییەکانی شکاند و بەهۆی ئۆفسایدێکی زۆر کەمەوە گۆڵەکەی رەتکردەوە. لە کاتی زیادکراودا، ریال مەدرید هەلێکی دیکەی بۆ رەخسا کاتێک لێدانی سزای بۆ ئەژمارکرا دوای فاوڵێک لەسەر ڤینیسیۆس. بەڵام کیلیان ئێمباپێ لێدانە سزاکەی لەدەستدا. هەرچەندە وێنەکان دەریانخست مارک بارترا پێش لێدانەکە هاتبووە ناو ناوچەی سزا، بەڵام ناوبژیوان بڕیاری دووبارەکردنەوەی نەدا. بەم شێوەیە ریال مەدرید یەکەم شکستی لەژێر سەرپەرشتی جۆزێ مۆرینیۆ تۆمارکرد، ئێستاش مەترسی ئەوەیان لەسەرە سێ خاڵ لە دواوەی بارسێلۆنای رکابەریان بن ئەگەر کەتەلۆنییەکان لە ڤالێنسیا ببەنەوە.

ڕاپۆرتە ڕۆژنامەوانییەکانی ئیسپانیا بڵاویانکردەوە، یانەی ڕیاڵ مەدرید ڕێکاری تەمبێکردنی بەرامبەر ڕاوول ئاسێنسیۆی بەرگریکاری تەمەن 23 ساڵی یانەکەی دەستپێکردووە، ئەمەش دوای...

ئەژین غەفار-زاری کرمانجی دەزگای خێرخوازیی بارزانی بڵاوی کردووەتەوە کە جەخت لەسەر گرنگیی پەرەپێدانی زانست و بەرزکردنەوەی ئاستی هۆشیاریی کۆمەڵگە دەکاتەوە...