مووسا خالد
ل کۆنگرەی ئێکگرتنێ هەردو ڕێکخراوێن قوتابیان و لاوان ێن پارتی دیموکراتی کوردستان، کۆ ڕۆژی پێنجشەمبێ ل ١٥ی ٥ی ٢٠٢٥ ل هەولێرێ ب ڕێڤچوو، سەرۆك بارزانی پەیامەک پێشکێشی ” ٢٦٠ ” ئەندامێن کۆنگرەی و هەموو جەماوەری کوردستان کر.
د پەیاما خوە دا بەحسا ڕۆلێ ڤان دو ڕێکخراو کر تایبەت ل هەردو شۆڕشێن پیرۆز شۆرەشا ئەیلول و گوڵانێ و شەڕی داعش، سەۆک بارزانی گوت: د ئەرکی خوە دا بەردەوام بن و کارێ زێدتر بکەن. ل سەر بیرو باوەڕێن پیرۆز یا ڕێبازا بارزانی و باوەری ب خۆبوونێ، بو چاندنا وان هێڤی و ئومێدان ب هێزکرنا فەلسەفا ئینتمائێ بۆ نیشتمانی.
” سەرۆك بارزانی ” د پەیاما خوە دا ئاماژە دا ب ڕۆلێ بەرچاڤ یێ گەلێ کوردستانێ، ل دەمێ ژناڤبرنا ڕژێما دیکتاتۆری و گەلێ کوردستانێ دگەڵ ئیراقـا نوی دانانا دەوڵەتەکا فێدڕاڵ، کۆ باوەڕی ب فرە نەتەوەیێ هەبیت و تیایدا ب لۆژیکی و هەڤبەشی و هەڤسەنگی و سازان بهیتە پەیڕەکرن.
یا پێدڤیتر ل ناڤخۆیا هەرێما کوردستانێ ” سەرۆك بارزانی” دیارکر کۆ ئەگەر هەرێما کوردستانێ دڤێت بەرەڤ ئێکبوونەکا زێدەترڤە بچیت دڤێت مە (ئێك هەرێم، ئێك پەرلەمان، ئێك حکوومەت، ئێک هێزا پێشمەرگە) هەبیت .
دیسان نەتەوەسازی و نیشتمانسازی پرۆسەیەکا مێژوویی و کۆمەڵایەتی ماوێ وێ درێژە و چ گومان تێدا نینە دێ لاو ڕۆلەکێ ئەرینی هەبیت دئاڤاکرنا جڤاکی دا بو گەشەپێدان و پێشخستنا شارستانیەتێ دا، چونکە هێزا گەنجان ل پرۆسەی پێشکەفتنا جڤاکی
ب داهێنانێن خوە دێ شێن دە هەرێما کوردستانێ و ناڤچێ بەرەف ئاشتی و سەقامگیریێ بەن، هەروەسا گرینگیدان ب سیاسەتا باش دێ ئاشتی باشتر بەرقەڕار بیت.
“سەرۆك بارزانی ” گرنگیدا سەر مافێن هەرێما کوردستانێ ل بەغدا لەچوارچوڤەیێ بەردەوامی بو دادپەروەری و یەکسانی سەرەدەریکرن دناڤبەرا هەرێم و حکوومەتا فیدڕال، بەتایبەتی ژ لایێ بودجە و دابەشکردنا داهات و سامانێ هەرێمێ بو رێڤەبرنا کاروبارێن خوە.
نەدادپەروەری سیاسی و پێشێلکرنا مافی نەتەوا کورد و جینۆساید و ئەنفال و کیمیاباران و ڤەگۆهاستنا ب زۆری و ژنافبرنا گوند و وێرانکرن خوین رێژتن، ئەڤە هەموو کارێن سەرەکی ێ ڕژێما دکتاتۆر بوون ” سەرۆك بارزانی ” گرنگی دا وێ چەندێ و گوت ” ژ ئەڤرۆ پێڤە ئەڤ چەندێ قەبیل ناکەین ژ بەغدا وەکی هەیڤێن بوری، سەرەدەریێ دگەل مووچە و فەرمانبەرێن هەرێما کوردستانێ بکەن، چونکە ئەڤ جۆرە سەرەدەریە وەکۆ ئیهانەیەکێ یە ب خوێنا شەهیدان و خەباتا گەلی کوردستانێ و مێژوویا پڕ سەروەریا میللەتێ کورد”.
لاوان و قوتابیان نەهێنیا هێزو گەلانە و سەرکەفتن و پاراستنا ئاخ و نیشتمانی، ئەو دێ شێن کوردستانێ بەرەف پێشڤەبەن بەرەڤانیێ بکەن و خەونا داگیرکەران بشکێنن و هەر ئەو گەنجن دێ شێن پاشەرۆژێ دروست بکەن، زێدبوونا رێژا ئافرەتی ل ناف ڕێکخراوا لاوان و قوتابیان و ل نافخۆیا پارتی دیموکراتی کوردستان دێ بیتە ئەگەرێ پێشکەفتنا زیاتدەر بو کۆمەڵگەهێ و کوردستانەکا هۆشیارتر.
