مەسروور بارزانی و کۆڕبەندی داڤۆس و پێگەی کوردستان

رێبوار حەمەلاو شوانی

ئەمساڵ لە ساتەوەختێکی هەستیاردا 54هەمین کۆڕبەندی ئابووری جیهانی لە داڤۆسی سویسرا بەڕێوە دەچێت ، کە ناوچەی رۆژهەڵاتی ناوەڕاست و دونیاش چاوەروانی پێشهات و گۆرانکاری نوێ دەکات ، کۆڕبەندی داڤۆش ئەمجارەیان بە دروشمی ( هاریکاریی لە پێناو سەردەمی زیرەکدا ) بۆ ماوەی چوار رۆژ بەردەوام دەبێ کە تێیدا چەندین سەرۆک و سەرۆکوەزیران و گەورەبەرپرسانی وڵاتانی جیهان تاوتوێ و گفتوگۆی چەندین پرسی گرنگی سیاسی و ئابووری و بواری وەبەرهێنان وئاڵۆگۆری بارزگانی نێوان وڵاتان دەکرێت .

بەشداریی فەرمی مەسروور بارزانی ، سەرۆکوەزیرانی هەرێمی کوردستان لە کۆڕبەندی ئابووریی جیهانیی لە داڤۆسی سویسرا، ئاماژەیە بە گرنگی وبایەخ و پێگەی هەرێمی کوردستان لە سەر ئاستی ناوچەیی و نێودەوڵەتی و سەرکەوتنی دیپلۆماسی و ئینجا پێشکەوتن و گەشەسەندنی کەرتی وەربەرهێنان لە رووی ئابوووری و ئاوەدانی و بارزگانی لە هەرێمی کوردستان دا .

ئەو کۆڕبەندە بە یەکێک لەگرنگترین کۆڕبەندە ئابوورییەکان لە سەر ئاستی دونیا هەژمار دەکرێت ، کە تییدا دەیان سەرمایەدار و بازرگانی گەورە تێیدا بەشدارن و هەرێمی کوردستانیش بۆ ئەمساڵ بەشێوەیەکی فەرمی بەشداری کارایی تێیدا کردووە و لەگەڵ کردنەوەی ماڵی کوردستانی لە داڤۆسدا .

هۆکاری ئەو گرنگیدان و بایەخدانەی کۆمەڵگەی نێودەوڵەتی بە هەرێمی کوردستان ، بۆ ئابووری و هەڵکەوتە جوگرافیاکەی و پێگە جیۆسیاسییەکەی ، لە ناوچەی رۆژهەڵاتی ناوەڕاست دەگەڕێتەوە ، لە هەمانکاتیشدا خاوەن سامانێکی سەر زەووی و بن زەووی زۆرە ، لە هەمانکاتیشدا لە رووی سەقامگیری و ئاسایش و ئارامییەوە ، بە یەکێک لە ناوچە هەر سەقامگیرەکان هەژمار دەکرێت ، ئەوەش وایکردووە کە بارزگان و سەرمایەداران بۆ کاری وەبەرهێنان ڕوو لە هەرێمی کوردستان بکەن .هەر بۆیە، ئەم کۆڕبەندە وەک دەروازەیەکە بۆ زیاتر کرانەوەی هەرێمی کوردستان بەڕووی بازرگان و سەرمایەداران و کۆمپانیا گەورەکانی وڵاتان .

لەلایەکی ترەوە ، ڕاستە ئەم کۆڕبەندی داڤۆس تایبەتە بە ئابوورییەوە ، بەڵام بایەخ و گرنگییەکەی لەوەدایە کە ، ڕووی بەرەو پێشبردنی ئاستی پەیوەندییە دیپلۆماسییەکانی هەرێمی کوردستان لەگەڵ و ڵاتانی ناوچەکە و جیهان، جێگەی بایەخی زۆرە و بەشداریکردنی مەسروور بارزانی، سەرۆکوەزیرانی هەرێمی کوردستان ، ئەنجامێکی باش و گرنگی دەبێت لە ڕووی ئابووری و سیاسی و دیپلۆماسییەوە .

بەتایبەتی تر ، بەشداریکردنی هەرێمی کوردستان لە کۆڕبەندی گرنگی وەک داڤۆس، وادەکات کە ئەو کێشە وئاستەنگانەی کە ڕووبەڕووی هەرێمی کوردستان بوونەتەوە چ لە رووی سیاسی و ئابوورییەوە ، لەگەڵ سەرۆک و سەرکردە و وەزیرانی دەرەوەی وڵاتان باس و گفتوگۆی لە سەر بکەن ، بە تایبەت پرسی ماف و شایستە دەستوورییەکانی هەرێمی کوردستان ، کە چەندین ساڵە دەسەڵاتدارانی عێراق پێشێڵی دەکەن و دەکرێت لە نێو ئەو کۆڕبەندەدا ، پاڵپشتی بەهێزی سیاسی بۆ گەلی کورد و مافەرەواکین بەدەست بهێنرێت ، سەرۆکوەزیرانی کوردستان هەوڵ دەدات تا ئاستی پەیوەندییە دیپلۆماسییەکانی لەگەڵ سەرۆک و سەرکردەکانی جیهان بەرز بکاتەوە و پشتیوانی نوێ و بەهێزتر بۆ هەرێمی کوردستان بەدەست بێنێت ، ئەوە وادەکات خەونی نەیارانی کورد بۆ لاوازکردنی سەنگ و پێگەی هەرێمی کوردستان شکست پێبهێنێت .

ڕاستە ماوەی چەند ساڵێکە ، کە دوژمنان و نەیارانی هەرێمی کوردستان بەهەموو هێزوتوانایانەوە دژایەتی گەلی کورد دەکەن ، بەڵام گرنگیدان و بایەخدان کۆمەڵگەی نێودەوڵەتی بە دۆزی کورد و ئینجا بەهێزیی پێگەی حکوومەتی کوردستان چ لە سەر ئاستی ناوچەیی و نێودەوڵەتی وایکردووە کە نەیاران و دوژمنانی تووشی شۆک و هیستریا ببنەوە ، بەتایبەت کە ئاستی پەیوەندییە دیپلۆماسییەکانی هەرێمی کوردستان گەیشتۆتە لووتکە ، ئەوەش گەلی کوردوقەوارەکەی زیاتر بەرەو پێشەوە دەبات و هەمیش پشتگیری زیاتر بۆ هەرێمی کوردستان دروست دەبێت.

دەتوانین بڵێن کە، ئیتر سەردەمی نکۆڵیکردن و پەراوێز خستنی گەلی کورد بە سەرچووە، بەتایبەتی کە ، هەرێمی کوردستان ئەمرۆ قەوارەیەکی یاسایی ودەستوورییە لە سەر ئاستی هەموو جیهان ددانپێنراوە و ناسراوە و هیچ چەک و پیلان و کارتێک نەیتوانی و ناتوانێت سەنگ و پێگەی هەرێمی کوردستان لاواز بکات و بەدڵنییاییەوە ئەم کارتە ئابووری و داراییە کە وەک چەکێک لە دژی گەلی کورد بەکاردەهێنرێت تێشکاوە و شکستخواردووە و هەرێمی کوردستانیش بە سەرکردایەتی بارزانی و بەهێزەوە گەل وقەوارەکەی بەرەو داهاتوویەکی گەشە و عێراقیش بەم جۆرە زێهنیەت و سیاسەتە فاشیزمییە تووشی قەیران و شکست و پووکانەوە دەبێت ، هەرێمی کوردستانیش رۆژ بەرۆژ بەرەو سەرکەوتن و ئامانجەگەورەکە..