دۆناڵد ترەمپ سەرۆکی ئەمریکا لە 12ـی حوزەیراندا ڕایگەیاند، ئەگەری زۆرە لەم چەند ڕۆژەی داهاتوودا یان ڕۆژی دووشەممە، ڕێککەوتنێکی گشتگیر لەگەڵ ئێران واژۆ بکرێت؛ ئەمەش دوای کەمبوونەوەی گرژییەکان دێت.
ترەمپ هەڵوێستی عەباس عێراقچی بە ئەرێنی ناوبرد، بەڵام داوای ڕوونکردنەوەی فەرمی لەسەر دەنگۆ چەواشەکارییەکان کرد؛ عێراقچی خۆشی دووپاتی کردەوە کە زۆر نزیکن لە واژۆکردنی یاداشتی لێکتێگەیشتنی ئیسلامئاباد لەم هەفتەیەدا.
هاوتەریب لەگەڵ ئەمەدا، شەهباز شەریف سەرۆکوەزیرانی پاکستان، جەختی لە گرنگی هەوڵەکانی وڵاتەکەی بۆ نێوەندگیری کردەوە و ئاماژەی بەوە دا کە پڕۆسەی ئاشتی لە هەموو کاتێک زیاتر نزیک بووەتەوە.
