هیچ كات چاوەڕوانی شتێكی باش لە عەلی باپیر و كۆمەڵ نەكراوە و ناكرێت

زاری كرمانجی – سۆران:
پەرلەمانتارێكی فراكسیۆنی پارتی لە پەرلەمانی كوردستان وەڵامی قسەكانی عەلی باپیر دەداتەوە كە لە وتارێكیدا بۆ مامۆستایانی ئەندام لە حزبەكەی رایگەیاندبوو كە حكومڕانی كوردستان جێگەی بەزەییە.
لەم بارەیەوە وەیسی سەعید وەیسی لەرێگەی زاری كرمانجییەوە وەلامی قسەكانی دەداتەوەو دەڵێ:” قسەكانی بووتە پیشەیەكی هەمیشەیی علی باپیر وەك ئەوەی لەخەو پێی بڵێن بە ناوی ڕەخنەگرتن لە شێوازی حوكمراِنی كوردستان، بۆ بەرژەوەندی دووژمنانی گەلەكەمان دژی قەوارەی دەستوریی هەرێمی كوردستان قسە دەكات، بەمەش دەیەوێت‌ دەرگا بۆ ئاغاكانیان بكاتەوە تا دەستێوەردان لە پڕۆسەی‌ سیاسیی هەرێمی كوردستان بكەن”.
ئەو پەرلەمانتارە ئەوەش دەخاتەڕوو:” هەرچەندە هیچ كات چاوەڕوانی شتێكی باش لە عەلی باپیر و كۆمەڵ نەكراوەو ناكرێت بۆ پاراستنی كوردستان، دەبوایە لەكاتی هێرشی تیرۆرستانی داعش بۆ سەر خاكی كوردستان علی باپیر بەزەیی بەكوردستان هاتباوە، لەگەل پێشمەرگە لەسەنگەری بەرگریكردن دابابە، بەڵام بەداخەوە نەمان بینی نە علی باپیرو نەحزبەكەی یەك چركە بچنە سەنگەرەكانی پێشمەرگە و پارێزگاری لەخاكی پیرۆزی كوردستان بكەن، لەجیاتی ئەوەی بەزەیی بەحكومرانی كوردستان بێتەوە بەزەیی بەخۆیی وحزبەكەشی بێتەوە كە بووینە جێبەجێكاری ئەجیندای دووژمنانی گەلەكەمان”.
لە دواین قسەكانیدا وەیسی سەعید رایگەیاند:” دڵنیام گەر حوكمراِنی كوردستان لەدەستی ئەوان بایە دەمێك بوو خەڵكی كوردستان خۆزگەیان بۆ مردن دەخواست ، خەڵكی كوردستان وشیارە چۆن كاتی بەشداری حزبەكەی علی باپیری لەبیرە كە لەحكومەت دابوون چۆن خراپترین و فاشیلترین ئیدارەیان بەڕێوە برد لەجیاتی ئەوەی رەوشی كشتوكاڵ بەرەو پێش ببەن نەیانتوانی یەك ژێرخانی‌ كشتوكاڵی‌ بچووكیش لە كوردستان دابنێ‌ ئەی ئەمە ماییەی بەزەی پێ هاتنەوە نیە حەقە بپرسین چۆن بەزەییت بە حكومەت دادێتەوە كە لەسایەیدا لەخۆشرین خۆشگوزەرانی دایی ماوە ماوە ئاهەنگ و ژیانی هاوسەرگیری نوێ پێك دەهێنی لەبەرئەوەی جەنابی مامۆستا زیاترخۆی وەك كەسایەتێكی ئایینی نیشان دەدا حەقە بە ویژدانەوە قسە بكات گەرناتوانێ لەبەر ئاغا و مامۆستاكانی قسەی باش و رۆڵی باش بگێڕێت نابێت چیتریش قسەی بێ بنەماو ژەهریش بڕێژیت، چونكە ئەمە دژایەتی كوردستان و خوێنی شەهیدانە كە ئەزموونی سیاسی هەرێمی كوردستان بەرهەمی خوێنی شەهیدانە، مێژووش رەحم بەكەس ناكات بەم دژایەتیەش ناوی دەچێتە لاپەڕەێكی ڕەش”.