پشتیوان کەریم – زاری کرمانجی :
نەوت فرۆشێکی سەنتەری قەزای ناوەندی سۆران، لە بارەی نرخی نەوتی سپی ماڵان بۆ زاری کرمانجی دەڵێت:” ئەمڕۆ چوار شەممە، نرخی نەوتی سپی لە بازاڕەکانی نەوت فرۆشاندا بەبەروارد بە هەفتەی رابردوو بڕی پێنج هەزار دینار رووی لە بەرزبوونەوە کردووە،”
مەغدید ئۆمەراوەی نەوت فرۆش، ئەوەشی خستە ڕوو:” لە ئێستادا نرخی یەک بەرمیل نەوتی بەسڕە 230 هەزار و یەک بەرمیل نەوتی موسڵیش بە 220 هەزار دینارە، هاوکات نرخی یەک لیتر نەوتیش بە 1050 دینار دەفرۆشرێت لە بازاڕەکاندا.”
زیاتر گووتی:” هۆکاری دابەزینی نرخی نەوت لە بازاڕدا بۆ ئەوە دەگەڕێتەوە لە ئێستادا بڕە نەوتێک باش هاوردەی بازاڕەکانی هەرێمی کوردستان دەکرێت ، ئەمەش وای کردووە نرخی نەوت روو لە دابەزین بکات، هاوکات پێشبینیش دەکرێت نرخی نەوت زیاتر داببەزێت.”
