كامێرای خێرایی خاڵ بۆ خاڵ دادەندرێت

زاری كرمانجی:
بەڕێوەبەرایەتی هاتوچۆی هەولێر، بڵاوی كردۆتەوە، لە چوارچێوەی هەوڵەكانی وەزارەتی ناوخۆ بۆ كەمكردنەوەی قوربانییەكانی هاتوچۆ و كۆنترۆڵكردنی تیژڕۆیی، وەكو قۆناغی یەكەم، كامێرای تۆماركردنی تیژڕۆیی خاڵ بۆ خاڵ یان Point to Point، كە تێكڕای خێرایی لە نێوان دوو كامێرا تۆمار دەكات لە سنووری هەولێر دەكەوێتە كار .
راگەیاندنی بەڕێوەبەرایەتی هاتوچۆی هەولێر، ئاماژەشی بەوەداوە، لە شەقامی 120 مەتری هەولێر لە نێوان شەقامی كەركوك بۆ شەقامی بنەسڵاوە، لە هەردوو ساید ئەو كامێڕاییە لە هەفتەی داهاتوو دەكەوێتە كار.
ئاگاداری شوفێرانیش دەكەنەوە، كە بۆ ئەوەی خۆیان لە سزای دارایی كامێراكانی تۆماركردنی تیژڕۆیی بپارێزن، بە جۆرێك نابێ لە شەقامی 120 مەتری لەمەولا تیژڕۆیی بكەن و لە هەموو 120 مەتری خێرایی رێگا پێدراوە بەم جۆرەیە:
یەكەم: ئۆتۆمبێلی بچووك نابێت لە 110 كیلۆمەتر لە كاتژمێرێك خێراتر بڕوات. هەر خێراییەكی زیادە بۆتان تۆمار دەكرێت و سزای دارایی دەدرێن جا كامێراكە دیار بێت یان نا.
دووەم: ئۆتۆمبێلی گەورە (بارهەڵگر) نابێت لە 80 كیلۆمەتر لە كاتژمێرێك خێراتر بڕوات. هەر خێراییەكی زیادە بۆتان تۆمار دەكرێت و سزای دارایی دەدرێن جا كامێراكە دیار بێت یان نا.
دووپات لەوەكراوەتەوە، شوفێرانی بارهەڵگر ئاگادار دەكەینەوە كە تەنیا ڕێگا پێدراون لە هێلی دیاریكراو بۆیان شوفێری بكەن. بە پێچەوانەوە ڕووبەڕووی سزای دارایی دەبنەوە، هیوادارین خۆتان لە سزا بپارێزن و بە گوێرەی ڕێنماییەكان بۆ سەلامەتی خۆتان و هاووڵاتیانی دیكە شوفێری بكەن.