وەڵامێك بۆ كاروان گەزنەیی

هشیار شكاك خورشید
ئەندامێكی فڕاكسیۆنی یەكێتی پەرلەمانی كوردستان بە ناوی كاروان گەزنەی، دەلێت، ئەگەر دژە تیروری یەكێتی نەبوایە ئێستا لە جیاتی ئومێد خۆشناو ئەبوبەكر بەغدادی پارێزگاری ھەولێر دەبوو، ئەی سلێمانی و كەركوك كە ئێوە رزگارتان كرد ئێستا لە دەستی كێدایە و كێ بەڕێوەی دەبات؟
ئەگەر خۆت و حزبەكەت قەڵغانی پاراستنی هەولێر بان، ئێستا وەك سلێمانی و كەركوك دەبووە جێگای حەسەن پلایس و راكان جبوری و حەشد و وەحش نەك سەركردایەتی كورد، ئەو هێزەی تۆ باسی دەكەی بە فەرمان سەرووی تۆ ببووە رێنیشاندەر و رێگا خۆشكەری ئاغاكانتان بۆ چوونە ناو شاری كەركوك، هەر ئەو هێزەش بوون پلانی كۆشتنی كوسرەت رەسۆلیان دانا تاوەكو لەناوی ببەن. دواتر بڵێن، لە بەرەكانی جەنگ شەهید كراوە و بیكەنە شانازی خۆتان و بگەن بە مەرامە شەخسییەكان، بەڵام ئەو پلانەتان بۆتان نەچووە سەر چونكە پاسەوانەكانی كوسرەت رەسۆل بە پلانی ئەو هێزەتان زانی رووبەرووی بوونەوە و لە ئەنجامیشدا هەندێكیان شەهید كران.
ئەگەر بە حەز و ئارەزووی بۆگەنی ئێوە با، ئێستا دەبوو لە هەولێر بۆ هەر بۆنە و مناسبەیەك ئیزنمان لە حەشد و پەكەكە و ئێران وەرگرتبا بۆ ئەوەی پێنج خۆلەك رێگەمان بدەن ئالای كوردستان بەرزبكەینەوە بەلام ھەولێر لە هەموو كات و بارۆدوخێك خاوەن و پارێزگاری خۆی هەبووە ئەگەر نا ئێستا وەك سلێمانی كەس تێدا ئارام نەدەبوو و خاوەنی شەقامێكی سەد مەتریش نەدەبوون .
تۆ و حیزبەكەت لە جیاتی ئەوەی ئێستا بێ دەنگیتان هەڵبژارد با، لە تاو ئەو تاوان و خراپەكاریانەی كە دەرحەق بە خەلكی سلێمانی و نیشتیمان كردووتانە، كەچی بە داخەوە كەس و لایەنێك كە شەرم و ئابڕووی نەما ئیدی هەر چی بكات لای ئەوان بڤە نییە”.