زاری كرمانجی – چۆمان:
تەها ناوەندی، كارگێری لقی 26 گوڵان، بۆ زاری كرمانجی گوتی: شتێكی شاراوە نییە ئەنجامی لێكۆڵینەوەكان دەریدەخەن كە یەكێتی لە پشتی رووداوەكانە، شپڕزەیی و ناكۆكی ناو ماڵی خۆیان هۆكارێكە بۆ ڕادەست نەكردنی داواكراوەكان، دەشزانن بە ڕادەستكردنی داواكراوەكان ڕووی ڕاستەقینەی سیاسییان بۆ ڕای گشتی دەردەكەوێت و دەبێتە خاڵێكی ڕەش بە نێوچەوانی ئەوانەوە، تیرۆركردنی هاوكار جاف یەكێك لەوانە، بێ گوێدانە هیچ یاسایەكی مرۆڤایەتی و ئیداری، ڕۆژنامەنووس و فەرماندە و كەسایەتی تیرۆر دەكەن.
ناوەندی، دەشڵێ: لە سەرەتایی دروستبوونی كابینەی نۆیەم ئەوان داوای لامەركەزی ئیداریی پارێزگاكانیان كرد، سەرۆكی حكوومەت دەستەڵاتەكانی شۆڕكردنەوە بۆ پارێزگاكان، دەستەڵاتی دایە پارێزگاكان كە داهاتی سنوورەكانیان كۆبكەنەوە بەپێی داهات خزمەتگوزاری پێشكەش بكەن، بەڵام هەندێك سەرانی ئەو حیزبە دەستیان بەسەر بەشێكی زۆری داهاتی خاڵە سنووریەكان دا گرتووە و ناهێڵن بگەڕێتەوە خەزێنەی حكوومەت، بۆیە لە ڕێی ڕاگەیاندنەكانیانەوە بۆ چەواشەكردنی خەڵكی سنوورەكەیان دەڵێن حكوومەت جیاوازی لە نێوان پارێزگاكان دەكات، لە ڕاستیدا كابینەی نۆیەم بێ جیاوازی باشترین خزمەتگوزاری پێشكەش بە خەڵكی هەرێم كردووە”.
