دێسكی وەرزشی زاری كرمانجی:
لەهەفتەی رابردوو بەمەبەستی ئاشنابوون لە بۆچوونی هاندەران سەبارەت بەباشترین راهێنەر لەئیدارەی سۆران، راپرسییەكی ئەنجامدا و تێیدا، رەفیق سەعید راهێنەری پێشووی رواندز و ئێستای یانەی سۆران زۆرینەی دەنگەكانی بردەوە.
لەنێو راپرسییەكەدا 8 راهێنەری سنووری ئیدارەی سەربەخۆی سۆران، كە لەساڵی 2022 لەئاستە جیاوازەكانی یانەكاندا كاریانكردووە لەكێبڕكێ دابوون.
راپرسییەكە لەپەیجی زاری كرمانجی لەفەیسبووك، ئەنجامدرا تێیدا 349 كەس بەشداریان كردووە، لەو ژمارەیە 305 كەس دەنگیان داوە بەشی زۆری دەنگەكان بۆ رەفیق سەعید بوونە.
لەساڵی 2022 رەفیق سەعید، توانی سەركردایەتی یانەی رواندز بكات و بۆ یەكەمین جار لەمێژوو یانەكە سەربخات بۆ ریزی یانە پلە یەكەكان، دواتر گەڕایەوە پۆستی راهێنەرایەتی سۆران و لەقۆناخی یەكەمی خولی نایاب، یانەكەی لەپلەی دوازدەیەمدا دێت.
ئەو راهێنەرە توانیویەتی 109 دەنگ دەستەبەر بكات و پلەی یەكەمی بەدەستهێناوە و، بەرێژەیەكی زۆر لەپێش ركابەرەكانیەتی.
لەپلەی دووەم هیمداد نەسرەددین دێت، ئەو راهێنەرە لەساڵی 2022 راهێنەری تیمی لاوانی یانەی وەرزشی رواندز بووە و، توانیویەتی 48 دەنگ بەدەستبهێنێت.
لەپلەی سێیەم، بەر بارزان ئەیوب راهێنەری یانەی سنوور كەوتووە، و 44 دەنگی هەیە.
پلەكانی چوارەم تا هەشتەم بەم شێوەیەن:-
چوارەم: شوانە عەبدوڵڵا 34 دەنگ
پێنجەم: نیهاد موراد 24 دەنگ
شەشەم: سەنگەر 17دەنگ
حەوتەم: دینۆ میكائیل 15 دەنگ
هەشتەم نیهاد جاسم 14دەنگ.
راپرسییەكانی زاری كرمانجی، بەردەوامی دەبێت بڕیارە لەچەند رۆژی ئایندە راپرسی بۆ باشترین یاریزانی ئیدارەی سەربەخۆی سۆران بۆ ساڵی 2022 بكرێت.
