هشیار شكاك خورشید
جێگای داخە ئێستا تاكی كورد لە سەردەم و بارۆدوخێكدا دەژیت هەر رۆژێك چاوی دەكاتەوە گوێبیستی هەواڵێكی ناخۆش دەبێت جا كۆشتن بێت یان دزی بێت یان جیابوونەوەی خێزان لە یەكتری كە هۆكاری روودانی ئەمانە و چەندانی تر دووركەوتنەوەن لە یاسا و بڕیارەكانی خۆدانێ بارزانن.
خودانێ بارزان لە سەردەمی خۆیدا بیری نەتەوایەتی و دینی پێكەوە گرێ داوە تەنانەت فەرموویەتی دەبێت مرۆڤ ئازاد بێت تاوەكۆ عیبادەتی بگاتە جێ و نابێت مرۆڤ ژێر دەستی قەبوول بكات پێویستە هەوڵی سەربەخۆیی خۆی بدات كەچی لە كۆمەڵگەی ئێستا كوردی كەسانێك بە پێش چاوی تەواوی خەڵكی كوردستان و جیهان خۆیان و خاك و نیشتمانیان بە دوژمن فرۆشت كە نە لە دین و نە لە مرۆڤایەتی قەبوول كراو نییە.
خودانێ بارزان زۆر تەكید لە برایەتی و خۆشەویستی و تفاق و هاوكاری دەكردەوە و بەردەوام داوایان لێ دەكرد گیانی هاوكاری و برایەتی لە نێواندا هەبێت لە هەموو قوناغەكانی ژیاندا دەستی یەكتر بگرن كەچی جێگای داخە كۆمەڵگەی ئێستای كوردی دوورە لەو ئاكار و سیفەتانە وەك دەبینن ئێستا برا لەگەڵ برا یەك نییە، خۆشك لەگەڵ برا یەك نییە، جیران لەگەڵ جیرانی یەك نییە، خزم لەگەڵ خزم یەك نییە..
خۆدانێ بارزان هەمیشە هەوڵیداوە سیما و جل و بەرگ و كەلتوری كوردەواری لەناو خەڵكی بارزان پەرەی پێ بدرێت نەهێشتووە خەڵكی بارزان جل و بەرگێك لە بەر بكەن كە لەگەڵ كلتوری كۆمەڵگەی ئەو كات نەگۆنجێت كەچی ئێستا كۆمەڵگەی كوردی بە هەموو شێوەیەك دوور كەوتۆتەوە لەو یاسانە هەرچی جل و بەرگی نەشیاو هەیە ئێستا ژن و پیاوی كورد لەبەری دەكەن.
خۆدانێ بارزان بەردەوام لەگەڵ حەق و دادپەروەری و عەدالەت بوو هەر چەندە لە سەردەمی زێڕینی ئەودا هیچ پۆلیس و دادگا و رێكخراو نەبوون كەچی حەق و مافی كەس بزر نەدەبوو كەس تەحدای لە كەس نەدەكرد هەموو خەڵك لای خۆدانێ بارزان وەك یەك بوون و یەكسان بوون كەچی ئێستا دەبینین لە كۆمەڵگەی كوردی چەندان پۆلیس و ئاسایش و دادگا و رێكخراو هەن كەچی رۆژانە گوێ بیستی رووداو و كاری دوور لە بەها مرۆڤایەتی و دینی دەبینین.
لە سەردەمی خودانێ بارزان ژن و ژنخوازی و بە زۆر بە شۆدان و كرینی ژن هەموویان قەدەغە كراو بوون كەچی كۆمەڵگەی ئێستا كوردی پێچەوانە دەبینین كچ تەمەنی نە گەشتووتە هەژدە ساڵ بە شودراوە یان پیاوێكی بە تەمەن كچێكی گەنجی كریووە یان بۆ ئەوەی ژن بێنێت ژن بە ژنی كردووە، بۆیە ئێستا كۆمەڵگەی كوردی بەو عاقارەدا رۆیشتووە.
بۆیە پێویستە كۆمەڵگەی ئێستای كوردی یاسا و بڕیارەكانی خۆدانێ بارزان بكەنە بەرنامە و مەنهەجی ژیانی خۆیان تاوەكو دوور بكەوینەوە لەو رووداو و كارەسات و كار و كردەوانەی كە ئێستا لە كۆمەڵگەی كوردی هەن و هەستی پێ دەكرێن.
