زاری كرمانجی-سۆران:
دەرچوویەكی بەشی كۆمپیوتەر لەفاكەڵتیی زانستی زانكۆی سۆران، بەهاوبەشی گڕوپێك، لەسەر ئاستی زانكۆكانی عێراق و وڵاتانی ديكةى ڕۆژهەڵاتی ناوەڕاست بە پڕۆژەی” ئەكوابۆت” پلەی یەكەم لەسەر ئاستی وڵاتانی بەشداربووی ڕۆژهەڵاتی ناوەڕاست بەدەست بهێنێت.
زێبار عەزیز، لە بەڕێوەبەرایەتی راگەیاندنی زانكۆی سۆران، بە زاری كرمانجی ڕاگەیاند:” لەمیانەی بەشداریكردنی پڕۆژەیەكی جیهانی كۆمپانیای “هواوی” بەناونیشانی” seeds for the future” “مزگین مەهدی سلێمان” دەرچووی بەشی كۆمپیوتەر لەفاكەڵتیی زانستی زانكۆی سۆران، توانی بەهاوبەشی گڕوپێكی 10كەسی لە كۆی چوار گروپی جیاواز لەسەر ئاستی زانكۆكانی عێراق و وڵاتانی تری ڕۆژهەڵاتی ناوەڕاست بە پڕۆژەی” ئەكوابۆت” وەك سەرۆك تیم بەشداری كارا بكات و پڕۆژەكەی پلەی یەكەم لەسەر ئاستی وڵاتانی بەشداربووی ڕۆژهەڵاتی ناوەڕاست بەدەست بهێنێت، بڕیارە لەمساڵدا واتە 2023 لەسەر ئاستی جیهان بەشداری هەمان پێشبڕكێ بكەن”.
لای خۆیەوە، مزگین مەهدی، لە بارەی بیرۆكەی پڕۆژەكە و شێوازی سەركەوتنی، رایدەگەێنێت: ” بیرۆكەی ئێمە لەم پڕۆگرامەی هواوی دۆزینەوەی چارەسەرێك بوو بۆ پاراستنی ژیانی ژێر ئاو بوو، پاككردنەوەی ئاوی ڕووبارەكانی كوردستان و عێراق و جیهان لە ڕێگەی دروستكردنی ڕۆبۆتێك بۆ كۆكردنەوەی پلاستیك و زبل لەژێر ئاو”.
دەشڵێت ” ڕۆبۆتەكەمان ناوی (ئەكوابۆت) ە توانیمان پلەی یەكەم لەسەر عێراق و لەسەر ئاستی كڵاسەكەمان كە سێ وڵات بوون (سعودیە و عومان و عێراق) لە ڕۆژهەڵاتی ناوەڕاست بەدەست بێنین و بە سەركەوتوویی بڕۆینە پێشبڕكێی نێودەوڵەتی كە بڕیارە لەمساڵدا بەڕێوەبچێت”.
ئاماژەی بەوەشدا: ” ئاو پێویستیەكی سەرەكی ژیانە مرۆڤ هەموو شتێك لەسەر زەوی پێویستی بە ئاوە، بۆ ئەركی ئێمەیە ئاو بپارێزین لە زبڵ و خاشاك و پلاستیك كە رۆژانە مرۆڤ فڕێیان ئەدەن، ئەوەش مەترسی بۆ داهاتوو درووست دەكات، بەڵام ئەو (ئەكوابۆتە) هەڵدەستێ بە پاكردنەوەی ئاوی ڕووبارەكان لە زبڵ پێش ئەوەی بگەن بە دەریا و زەریاكان لە ڕێگەی بەكارهێنانی چەند تەكنەلۆژیایەك وەكو (مێمۆری، كامێرا، جی پی ئێس، مایكرۆپڕۆسێسەر، دەستێكی ڕۆبۆت، بۆكسێك، كە ئەمانەش هەمووی بە پاتری و پاوەر سەپڵای كار ئەكەن، لە هەوڵی ئەوەشداین بۆ ئەوەی ڕۆبۆتەكەمان بنێرین بۆ دەریا و زەریا قوڵكان و سندوقی زبڵەكە گەورەتر بكەین بۆ ئەوەی زۆرترین پلاستیك كۆبكاتەوە.
