شەهلا رەشید – زاری كرمانجی
رۆژانە هەوڵ دەدرێت كەل و پەلی ماوەبەسەرچوو و بێ كوالێتی لە وڵات ئێرانەوە داخلی هەرێمی كوردستان بكرێت، بەڵام بە گووتەی بەرپرسانی دەروازەی حاجی ئۆمەران، رێكارەكانیان توندكردوە و بەبێ كوالێتی كۆنتڕۆڵ رێگە بە داخلیل بوونی ئەو جۆرە كەل و پەل و خۆراك و خواردەمەنییانی و پێداویستییانە نادرێت .
سیروان حسێن، گووتەبێژی دەروازەی نێودەوڵەتی حاجی ئۆمەران، بۆ زاری كرمانجی، هۆكاری گەڕانەوەی ئەو كەل و پەلانەی دەگەڕێندرێنەوە وڵاتی خۆیان ئاشكرا دەكات و دەڵێت:” بەهۆی خراپی كوالێتی كۆنتڕوڵ، هەروەها ستانداردیان لەگەڵ عێراق گونجاو نییە، زۆربەی جاریش لە پشكنینەكان دەرناچن، سێ رۆژ جارێك ئەم حاڵەتانە روودەدەن.
