خواست لەسەر کارەبای نیشتیمانی زیادی کردووە

پشتیوان کەریم-سۆران:

بەڕێوەبەری گشتی کارەبای ئیدارەی سۆران بە زاری کرمانجی راگەیاند:” پێناچێت پێدانی کاتژمێرەکانی کارەبای نشتیمانی زیاد بکرێت هاوشێوەی مانگەکانی رابردوو رۆژانە 12بۆ 13کاتژمێر و نیوو کارەبا به‌ هاو نیشتیمانیان دەدرێت.

ئەندازیار فەیسەل حوسێن هێمای بۆ ئەوەشکرد:” لە وەرزی زستاندا خواست لەسەر کارەبا زیاترە بەو پێییە لەوەرزی هاوین 150مێگاوات کارەبا پێویستە بەڵام لەوەرزی زستان بۆ دوو هێندە بەرزدەبێتەوە لەوەرزی زستاندا سنووری ئیدارەی سەربەخۆی سۆران پێویستی بە 300 مێگاوات کارە با هەیە بە گشتی لە هەرێمی کوردستانیش خواست لە سەر کارەبا لەم وەرزە حەفت هەزار مێگاوات کارەبا هەیە.

بەڕێوەبەری گشتی کارەبای ئیدارەی سۆران جەختی لەوەش کردەوە هاو شێوەی ساڵی رابردوو کارەبای نیشتیمان و مۆلیدە ئەهلیەکان بە میکانیزمی ساڵی رابردوو دەدرێت بە هاووڵاتیان بۆ سنووری گوندەکانیش بەشەو کارەبای نیشتیمانی دەبێت لە ناو سەنتەری شاریش شەوان مولیدە ئەهلییەکان کار دەکەن:”