ڕۆژان قیاس_زاری کرمانجی:
جەمشید ڕەمەزان، بەرپرسی بەشی ئاماری نەخۆشخانەی لە دایک بوون و منداڵانی سۆران بە زاری کرمانجی ڕاگەیاند:” لە ماوەی پشووی سەری ساڵ، 2641 هاووڵاتی سەردانی بەشەکانی نەخۆشخانەی لەدایکبوونی سۆرانیان کردووە بە مەبەستی وەرگرتنی چارەسەر.”
بەرپرسی بەشی ئاماری نەخۆشخانەی لەدایکبوون و منداڵانی سۆران، ئەوەشی خستەڕوو:” لە ماوەی 25 -31 /12/2022 ، 63 منداڵ بە شێوەی سروشتی لەدایکبوونە کە 34 یان کوڕ و 29 یان کچ بوون، هەروەها 39 منداڵ بە شێوەی نەشتەرگەری لە دایک بوونە 21 کوڕ و 18 کچ.”
گووتیشی:” لە یەکەم ڕۆژی ساڵی نوێ واتە 1/1/2023 کوڕێک و کچێک لە دایک بوون، کە یەکێکیان بە شێوەی نەشتەرگەری، و ئەوەی تر بە شێوەی سروشتی لە دایک بوو”.
