شەهلا سۆفی – زاری كرمانجی:
ڕۆژنامەی فاینانشیاڵ تایمز، ئەمڕۆ شەممە 12ـی ئەیلوولی 2026 لە ڕاپۆرتێكدا ڕایگەیاند كە ئەمریكا داوای لە كەشتییە نەوتهەڵگرەكان كردووە كە لە گەرووی هورمزدا تێدەپەڕن، تەنیا لە ماوەی چەند كاتژمێرێكی دیاریكراودا ترانزێت بكەن بۆ ئەوەی پارێزگاریی سەربازییان دەستەبەر بكرێت.
ئەو داواكارییە دوای ئەوە دێت كە ئێران هێرشەكانی بۆ سەر ئەو كەشتیانەی كە شەوانە بە كەشتی دەڕۆن، چڕتر كردەوە.
لە ڕاپۆرتەكەدا ئاماژە بەوە كراوە، ئەمریكا لە مانگی ئایارەوە بەرگری ئاسمانی بۆ ئەو كەشتییانە دابین دەكات كە پلانیان هەیە بەدرێژایی كەناراوەكانی عومان لە دیوی باشووری گەرووەكە تێپەڕن، بەپێی هەواڵێكی بی بی سی.
ڕۆژنامەی فاینانشیاڵ تایمز بە پشتبەستن بەو ئیمەیڵانەی كە ناوەندی هەماهەنگی هێزی دەریایی ئەمریكا بۆ ڕاوێژكارانی هێزی دەریایی ناردووە، ڕایگەیاندووە كە ماوەی پاراستنی كەشتییەكان بۆ دوو جاری دیاریكراو لە ڕۆژێكدا لە سەرەتای مانگی ئەیلولدا كەمكراوەتەوە.
