ئەنجوومەنی وەزیران، وەزارەت و فەرمانگەکان لە سێ بڕیار ئاگادار دەکاتەوە

ئەنجوومەنی وەزیران سێ بڕیاری گرنگ بەرز دەکات کە تایبەتی دامەزراندن و گرێبەستەکانە.
بڕیاری نوێی ئەنجوومەنی وەزیرانی عێراق فەرمان بە هەموو وەزارەت و فەرمانگەکان دەدات بەرەوپێش سێ خاڵی سەرەکی.
نووسراوەکان بەرز دەکرێن بۆ دامەزراندن و گرێبەست بە شێوەی لەجێدانان.
داواکارییەکان بۆ نوێکردنەوەی تەنسیب بەرز دەکرێت بەرەوپێش دوو جار.
ئامانجی ئەم بڕیارە کەمکردنەوەی خەرجییەکان و ڕێگریکردنە لە درێژکردنەوەی گرێبەستەکانە.
ئەم بڕیارە لەسەر هەموو دامودەزگاکانی حکوومەتی عێراق و هەرێمی کوردستان جێبەجێ دەکرێت.
فه‌رمانگه‌كان
ئەنجوومەنی وەزیران سێ بڕیاری گرنگ بە وەزارەت و فەرمانگەکان ڕادەگەیەنێت کە تایبەتن بە دامەزراندن و گرێبەست و تەنسیبی فەرمانبەران.

لە نووسراوێکی ئەنجوومەنی وەزیرانی هەرێمی کوردستان سێ بڕیار ڕوون کراونەتەوە.

ئاماژە بەوە کراوە، بەپێی بڕیاری ئەنجومەنی وەزیرانی عێراق، فەرمان بە هەموو وەزارەت و دەستە و فەرمانگە و دامودەزگاکان کراوە کە پابەند بن بە سێ خاڵی سەرەکی.

بەپێی گشتاندنێکی نوێ کە ئاڕاستەی دامودەزگاکان کراوە، هەر داواکارییەک پێچەوانەی ئەم بڕیارە بێت، لەلایەن سەرۆکایەتیی دیوانی ئەنجوومەنی وەزیران وەرناگیرێت و ڕاستەوخۆ دەگەڕێندرێتەوە.

١- ڕاگرتنی ئاڕاستەکردنی نووسراو بۆ دامەزراندن و گرێبەست بە شێوازی (لەجێدانان)، هیچ نووسراو و داواکارییەک لەسەر دامەزراندن، یان گرێبەست بەم شێوازە قبووڵ ناکرێت و ڕەت دەکرێتەوە.

٢- ڕاگرتنی نووسراوی گرێبەستی ڕاوێژکاری دوای خانەنشینبوون، هەروەها درێژکردنەوەی گرێبەستی ئەو کەسانەی خانەنشین بوون وەک ڕاوێژکار ڕاگیرا.

٣- راگرتنی داواکاری و نوێکردنەوەی تەنسیب بۆ زیاتر لە دوو جار و داواکاریی نوێکردنەوەی دانانی کاتی فەرمانبەران تەنیا بۆ 2 جار دەبێت و زیاتری قەدەغەیە.

ئامانج لەم نووسراوە ڕێکخستنەوەی دامەزراندن و کەمکردنەوەی خەرجییەکان و ڕێگریکردنە لە درێژکردنەوەی گرێبەستەکان بەبێ پێویستی.

ئەوەشی خستە ڕوو، ئەم بڕیارە لەسەر هەموو دامودەزگاکانی حکوومەتی عێراق و هەرێمی کوردستانیش جێبەجێ دەکرێت.