سەرۆک بارزانی پەیامێکی سەرەخۆشی ئاراستەی میری ئێزدییان کرد

ئەمڕۆ چوارشەممە، 9ی ئەیلوولی 2026، سەرۆک بارزانی پەیامێکی سەرەخۆشی ئاراستەی میر حازم تەحسین بەگ، میری ئێزدییان کرد بۆ کۆچی دوایی (هاریوان مەروان تەحسین بەگ)ی برازای و هاودەردیی خۆی بۆ بنەماڵەکەیان راگەیاند.

دەقی پرسەنامەکەی سەرۆک بارزانی:

ب ناڤێ خودێ مه‌زن و دلۆڤان

بەڕێز میر حازم تحسین به‌گ میرێ ئێزدیان ،ب داخ و دڵگرانیڤه‌ خه‌به‌رێ ماڵئاڤای كرنا برازایێ وه‌ (هاریوان مروان تحسین به‌گ)گه‌هشته‌ مه‌.بڤێ هه‌لكه‌فتا خه‌مگین سه‌رساخیێ ل هەوە و ماڵباتا میرا دكه‌م، و هه‌ڤپشكێن خه‌ما هه‌وه‌ینه‌.ژ‌ خودایێ مه‌زن دخوازین سه‌بر و هه‌دارێ بده‌ته‌ هه‌وه‌ و گیانێ خودێ ژێ رازی ب به‌هشتا به‌رین شاد بكه‌ت.

مەسعود بارزانی
9ی ئەیلوول 2026