بەهای زێڕ رووی لە بەرزبوونەوە کرد

پشتیوان كەریم- سۆران:

سەرباز باڵەكی، سەرۆكی ئەنجوومەنی زێڕنگرانی قەزای ناوەندی سۆران، باس لەوە دەكات ماوەی چەند رۆژێك بوو بەهای زێڕ هیچ گۆڕانكارییەكی بە خۆوە نەبینیبوو، بەڵام ئەمڕۆ بەرێژەیەکی بەرچاو رووی لە بەرز بوونەوە کردووە.

دەشڵێ‌:” ئەمڕۆ سێ شەممە، نرخی عەیارەكانی زێڕ لە ئیدارەی سۆران بۆ هەر مسقاڵێك بەراورد بە دوێنێ بڕی هەشت بۆ نۆ هەزار دینار رووی لە بەرز بوونەوەكردووە.”

نرخی زێڕ لە ئیدارەی سۆران بەم شێوەیەی خوارەوەیە:

یەك مسقاڵ زێڕ عەیار 24= 457,000 دینارە.
یەك مسقاڵ زێڕ عەیار 22= 419,000 دینارە.
یەك مسقاڵ زێڕ عەیار 21 =400,000 دینار.
یەك مسقاڵ زێڕ عەیار 18= 343,000 دینارە.

سەرۆكی ئەنجوومەنی زێڕنگرانی قەزای ناوەندی سۆران دەشڵێت:” بەراورد بە هەفتەی رابردوو بەهای ئۆنسەش بەرز بۆتەوە، ئەمڕۆ لە بازاڕەكانی جیهاندا نرخی یەك ئۆنسە 1805 دۆلار مامەڵەی پێوە دەكرێت.”