غیاس خالد زێبارى
ل 31 ێ تهباخا سالا 1996 پارتى دیموكراتى كوردستان ب تۆماركرنا داستانهكا مهزن، دهستكهفتێن كوردستانێ زێدهتر و بهێزتر كرن، ئهو داستانا ب 31 ێ تهباخێ دهێته نیاسین، د وان رۆژان دا پارتى دیموكراتى كوردستان د گهرمه گهرما شهرێ ناڤخوه مژویلى سالڤهكهرا یوبیلا خوه یا زێڕین بوو و سهرۆك بارزانى دهسپێشخهریا ئاشتیێ و ئاشتهواییێ دكر، لایهنێ بهرامبهر ( ئێكهتیا نشتیمانیا كوردستانێ ) ل جهێ قهبۆلكرنا دهسپێشخهریێ مژویلى راكێشانا زێدهتر یا ئهجندایێن وهلاتهكێ ههرێمى دكرن بۆ ناڤ ههولێرا پایتهخت و ههمى ههرێما كوردستانێ، گههشتبوو وى ئاستى مهترسیا ناڤچوونێ لسهر قهوارێ ههرێما كوردستانێ دۆست ببیت و چهند دهمژمێرهك لسهر ژیێ پهرلهمانێ كوردستانێ مابوون، ئهگهر پهرلهمان نهمابا حوكمهتا ههرێمێ ژى دا هێته ههلوهشاندن و باوهریا دۆستێن خوه ژى ژ دهست دهست، ژلایێ ئارامیێ ژى ههولێرا پایتهخت د ناڤ مهترسیاندا مقۆم ببوو .
ژبووى قورتالكرنا ههرێما كوردستانێ ل مهترسیا ژناڤچوونێ پارتى ب نهچارى و ب رهزامهندیا نیڤدهولتى پشت بهستن ب لهشكرێ ئیراقێ د شهڤ و رۆژهكاندا ئهڤ مهترسیه لسهر كوردستانێ راكر و ههولێرا پایتهخت رزگار كر و شهرعیهت بۆ سازیێن ههرێمێ ڤهگهراند و پهرلهمانێ كوردستانێ كاراكرهڤه . راسته رژێمێ وى دهمى یا ئیراقێ رژێمهكا داگیركار و ستهمكار بوو، لێ پارتى بڤێ كریارێ گۆت” دهرمانێ مارى ژههره” ، چونكى دوژمنهكێ مهزنتر و مهترسیدارتر ب دوژمنهكێ دیتر ژ ناڤ بر، سیهـ و ئێكێ ئاب ب داستانهكا مهزن دهێته هژمارتن كۆ قهوارێ ههرێما كوردستانێ پێ هاته پاراستن، ئهگهر ئهو چهند نههاتبا كرن، كارهسات و پیلانهكا مینا 16 ێ ئكتۆبهرا سالا 2017 بهرى سیهــ سالا ل ههولێرا پایتهخت دا هێته كرن، ئهڤه ژى دا مهترسیهكا زێده لسهر دهستكهفتێن نشتیمانى و نهتهوى یێن خهلكێ كوردستانێ درۆست بیت، ههر وهكى ل كهركووكێ درۆست بووى و ههتا نهۆ خهلكێ كوردستانێ و دهستههلاتا ههرێما كوردستانێ باجا وێ خیانهتێ ددهت .
ژلایهكێ دیتر پارتى بڤێ چهندێ پیلانهكا ههرێمى و ناڤخۆیى دژى كوردستانێ ههڵوهشاندن و وهنهكر بگههنه خونێن خوه، لهوما ههر سالا بهرى ڤێ بیرهاتنێ نهیار و دژبهرێن پارتى و قهوارێ ههرێما كوردستانێ، ئامادهكاریێن مهزن دكهن بۆ ب خیانهت ناساندنا 31 ێ ئاب ل راگههاندن و سۆشیال مهدیایا خوه دكهن، راكێشانا هێز و دیڤهلانكێن وى وهلاتێ ههرێمى بۆ ناڤ ههرێما كوردستانێ پهردهپۆش دكهن . لهوما ب شانازیڤه دبێژین 31 ێ ئاب داستانهكا مهزن بوو ژبووى مانهڤه و پاراستنا قهوارێ ههرێما كوردستانێ ئهوا ئهڤرۆ ههمى كورد شانازیێ پێ دبهن .
