مستەفا دۆلەمەری – مێرگەسۆر:
عارف شێروانی، سەرۆكی تۆڕی هەنگەوانانی كوردستان، بە زاری كرمانجی گوت: بۆ ئەوەی هەنگەوانان زیاتر ئاشنای كاری هەنگەوانی بن، بە هەماهەنگی لەگەڵ بەرێوەبەرایەتی كشتوكاڵی مێرگەسۆر خولێك دەكەینەوە.
سەرۆكی تۆڕی هەنگەوانانی كوردستان، دەڵێ: سەرەتا لە قەزای مێرگەسۆر ئەم خولە دەكەینەوە، دواتر لە قەزای سیدەكان، پاشان لە چۆمان، بلێ و پیران، بۆ ئەو مەبەستە ئامادەكاریەكان كراون، خولەكەش بە هەماهەنگی لەگەڵ بەرێوەبەرایەتی كشتوكاڵی مێرگەسۆر دەبێت.
شێروانی، دەشڵێ:” هەنگوێنی سنووری مێرگەسۆر، یەكێكە لە هەنگوینە هەرە باشەكان، ئەوەش بۆ ئەوە دەگەڕێتەوە ناوچەكە لەبارە بۆ بەخێوكردنی هەنگ، لەگەڵ ئەوەی شوێنێكی وشكە و رتووبەتی نییە، گوڵی دركاوی زۆرە، ئەمانەش هەموو هۆكارن بۆ ئەوەی هەنگوینێكی باش لە ناوچەكە بەرهەم بهێت”.
