زاری كرمانجی-حاجی ئۆمەران
ئەمڕۆ شەممە شەپۆلێكی بەفر بارین دەروازەی حاجی ئۆمەرانی گرتەوەو تیمەكانی سەربە بەڕێوەبەرایەتیی چاككردنەوەو پاراستنی رێگاوبانی سۆران دەستیان كرد بە كردنەوەی رێگاكە.
لەمبارەوە ئەندازیار خوسرەت سادق دری، بەڕێوەبەری چاككردنەوەو پاراستنی رێگاوبانی سۆران، بە زاری كرمانجی گووت: ” وەك ئاسانكاریەك بۆ ئەوەی لەكاتی هەر روداوێكی سرووشتی یان دروستبوونی لافاو بەفر بارین، تیمەكانمان لە هەندێ قەزاو ناحیەكان جێگیر كردوون، بۆ ئەوەی بە زوترین كات بگەنە شوێنەكە”.
ئەوەشی خستەڕوو: ” ئەمڕۆ شەممە شەپۆلێكی سەرماو بەفر بارین سنووری حاجی ئۆمەرانی گرتەوەو لەلایەن تیمەكانی چۆمان سەربە بەڕێوەبەرایەتیمان دەستكرا بە ڕاماڵینی بەفر و كردنەوەی رێگای سەرەكی چۆمان-حاجی ئۆمەران”.
راشیگەیاند: ” هەرچەندە رێژەی بەفر بارینەكە كەم بوو، بەڵام دەبێتە ئاستەنگ بۆ خزینی ئۆتۆمبێل و گیر خواردنیان بەمەش دەست كرا بە راماڵینی.
