ئادار عەبدوڵڵا _ زاری کرمانجی
ئەمڕۆ پێنجشەممە، مەزهەر محەمەد ساڵح، ڕاوێژکاری دارایی سەرۆکی حکومەت ئاشکرای کرد، قەرزە ناوخۆییەکانی حکومەت 106 ترلیۆن دیناری تێپەڕاندووە بۆ دابینکردنی خەرجییە پێویستەکان. دووپاتی کردەوە کە عێراق نزیکەی 85%ی داهاتی نەوتی لەدەستداوە بەهۆی کاردانەوەکانی شەڕ و قەیرانی گەرووی هورمز.
بەپێی ماڵپەڕی : almadapaper.net پابەندبوونی مانگانەی دەوڵەت 10 ترلیۆن دیناری تێپەڕاندووە، لەو ژمارەیەش نزیکەی 8 ترلیۆن دینار بۆ دابینکردنی مووچە و کرێ و خانەنشینی و چاودێری کۆمەڵایەتی تەرخانکراوە. ئەمەش فشارێکی بەرچاوی خستۆتە سەر نەختینەیی، ئەمەش وایکردووە حکومەت قەرزە ناوخۆییەکان فراوانتر بکات، کە ئێستا 106 ترلیۆن دیناری تێپەڕاندووە، بۆ ئەوەی پابەندە داراییەکانی خۆی جێبەجێ بکات. دابەزینی بەرچاوی داهاتی نەوت لە ئەنجامی پێشهاتە جیۆپۆلەتیکییەکانی پەیوەست بە قەیرانی گەرووی هورمزەوە بووە، کە عێراقی لە نزیکەی 85%ی داهاتەکەی بێبەش کرد.
ساڵح ئاماژەی بەوەشکرد، حکومەت لە پێشینەی کارەکانیدایە بۆ دابینکردنی بودجەی مووچە، خانەنشینی، و چاودێری کۆمەڵایەتی، جگە لە خزمەتگوزارییە سەرەکییەکانی وەک کارەبا، تەندروستی، پەروەردە، هاوکاری خۆراک، و ئاسایش. ئاماژەی بەوەشکرد، ڕەشنووسی یاسای قەرز و یارمەتییەکان بۆتە بژاردەی سەرەکی بۆ دڵنیابوون لە بەردەوامبوونی بودجەی ئەم پابەندبوونانە ئەگەر قەیرانی ئێستا تا کۆتایی ساڵ بەردەوام بێت.
جەختیشی لەوە کردەوە کە ڕەشنووسی یاساکە تەنها بە دابینکردنی سەرچاوەی دارایی سنووردار نییە، بەڵکو ئامرازی چاودێری توندی تێدایە، چونکە خەرجییەکان کەوتوونەتە ژێر چاودێری ئەنجومەنی وەزیرانەوە، لەکاتێکدا دیوانی کۆنترۆڵکردنی دارایی فیدراڵی وردبینی و پشکنینی پێش خەرجکردن ئەنجامدەدات، ئەمەش دەبێتە هۆی بەرزکردنەوەی شەفافیەت و کەمکردنەوەی بەفیڕۆدانی دارایی.
