سوپای ئیسرائیل كوشتنی فەرماندەی یەكینە دەریایییەكانی حەماسی ڕاگەیاند

مەهدی محەممەد – زاری كرمانجی :

سوپای ئیسرائیل لە ڕاگەیاندراوێكدا ئاشكرای دەكات كە لە دوو ئۆپەراسیۆنی جیاوازدا چوار ئەندامی حەماس كە لە نێویاندا ئوسامە نەعیم حەمدی، فەرماندەی یەكینە دەریایییەكانی گرووپەكە لە باكووری غەززە كوژراون.
هێزەكانی بەرگری ئیسرائیل ڕایگەیاند “حەمدی كاری كردووە بۆ دووبارە بنیاتنانەوە و بەهێزكردنی توانا دەریایییەكانی حەماس و فراوانكردنی چالاكییەكانی لە بواری دەریایی.”
لە ڕاگەیاندراوەكەی سوپای ئیسرائیل هاتووە “لە هێرشێكی ئاسمانی هاوشێوەدا لە باكووری كەرتی غەززە سێ ئەندامی بزووتنەوەی حەماس كوژراون، كە سوپای ئیسرائیل بە “چەكدار و هەڕەشەی ڕاستەوخۆ بۆ سەر هێزەكانی ئیسرائیل” وەسفی كردوون.”