شەهلا سۆفی- زاری كرمانجی:
هەمیشە دارستانە سەوزەكان یان شاخی بەرز شوێنی مەبەستی مرۆڤەكان نین. ئێستا كە سروشت بووەتە یەكێك لە جۆرەكانی گەشتە بەناوبانگەكانی گەشتیاران، زۆرێك لە گەشتیاران چیتر بەدوای شوێنی ئاساییدا ناگەڕێن، بەڵام بۆ هەندێك، تا بابەتی گەشتەكە مەترسیدارتر و ناوازەتر بێت، گەشتەكە وروژێنەرتر دەبێت. شوێنێك هەیە كە لە تایبەتمەندییە تاكەكەسییەكانیدا جیاوازە لە بەشەكانی دیكەی زەوی. ئەم جیاوازییە ئەم خاڵانەی كردووە بە شوێنی بەناوبانگ، هەرچەندە كەمتر ناسراوە.
چاڵی داناكیل لە ئەتیوپیا شوێنی یەكێك لە سەیرترین دیمەنەكانی سەر زەوییە. ئەم شوێنە سوریالییە دەكەوێتە سێگۆشەی عەفار و حەوزەكانی لاڤای تەقینەوەی تێدایە،
ئەم چاڵە نزیكەی ١٢٠ مەتر لە ژێر ئاستی دەریاوە دوورە. بەهۆی ئەوەی پلەی گەرمی هەوا هەندێك جار لە ٥٠ پلەی سەدی زیاترە، یەكێكە لە گەرمترین شوێنەكانی سەر زەوی. كانییە گەرمەكان و حەوزەكان بە ڕەنگی نیۆن بەهۆی چڕیی زۆری كانزاكانی وەك گۆگرد و ئاسن و خوێ دروست دەبن. سەردانی ئەم ناوچەیە پێویستی بە ئامێری سەلامەتی هەیە، بەو پێیەی هەناسەدانی گازی كلۆر و ترشی سولفوریك كە لە هەوادا هەڵواسراون مەترسیدارە
