مستەفا دۆلەمەری- زاری كرمانجی :
لە قەزای مێرگەسۆر دارێكی مازوو كە تەمەنی زیاتر لە 500 ساڵە بۆتە جێگەی سەرنجی گەشتیاران و خەڵكی ناوچەكەش بەهەموو شێوەیەك هەوڵی پاراستنی دەدەن،
شێروان بارزانی لە بارەی ئەو دار مازووه بە زاری كرمانجی راگەیاند:”ئەو دارە تەمەنی زیاتر لە 500 ساڵە و ئەستوورییەكەی 15 مەتر و دەكەوێتە ناوچەی خۆشكانە لە قەزای مێرگەسۆر، كاتی خۆی رژێمی بەعس بە تۆپ و فڕۆكە لەم دارەی داوە، كەچی هەروەكو خۆی ماوەتەوە، پێشتریش خەڵكی ناوچەكە وەكو ژوورێك بۆ خۆشوشتن بەكاریانهێناوە، لەبەر ئەوەی ناوی كلۆرە و كانیاوێكی سازگاریش لە تەنیشت دارەكە هەڵدەقوڵێ”.
لە دەڤەری بارزان و مێرگەسۆر بە دەییان داری بە تەمەنی هاوشێوەی ئەو دار مازووە هەیە .
