رێبوار حەمەلاو شوانی
بەگەڕانەوە بۆ لاپەرەكانی مێژوویی خەباتی گەلەكەمان، ئەو كەس و لایەنانەی لە ژێر ناو و پەردەی كوردبوون و كوردایەتی و بە دروشمی گەورە و بریقەدار بۆ مەرام و بەرژەوەندی تایبەتی خۆیان حەشاردابوو و لە ژێر ئەو پەنایەشدا خزمەتی نەیارانی كوردستانیان دەكرد و بەهەموو توانایەكەوە هەوڵیان دەدا، خەڵكی شۆڕشگێر و تێكۆشەر بەڵاریدا ببەن و لە خەبات ساردیان بكەنەوە، بەڵام نەیانتوانی و ناویان چوونە نێو لاپەرەكانی ڕەشی مێژووە و ڕیسوابوون.
ئەوەتا چەند ساڵێكە و بەتایبەتی دوای ئەوەی گەلی كورد بە خەبات و قوربانیدان و كۆڵنەدانی توانی ببێتەخاوەن سەرەوەری و قەوارەی هەرێمی كوردستان و چەندین دەستكەوتی مێژوویی و هەندێك لایەن و كەس بە هەمان نەفەس و بە پشتگیری نەیارانی كورد و بە ناوی جۆراجۆر و ئۆپۆزسیۆن بوون و ئینجا چەواشەكاری و درۆن بەهەموو توانایەكەوە هەوڵ دەدەن زیان بە شوناس و ناوبانگی هەرێمی كوردستان و قەوارەی هەرێمی كوردستان و پێگەی بگەێنن و لەسەریشەوە بە دروشمی گەورە و بریقەدار و بە ناوی ئۆپۆزسیۆن و ناوی كوردبوون هەر چی خراپە نەماوە دژایەتی ئەم گەل و قەوارەیە نەكەن.
بەتایبەتی هەموو ئەو حزب و لایەنانەی كە بێچوو یەكێیتەكەی ئێستای بافڵ تاڵەبانیین واتە پارچەی یەك قووماشن و ساڵانێكە لە دەڤەری سلێمانی و بە پاڵپشتی و هەژموونی یەكێتیی و بەدروشمی فاشیزمانە و تێكدەرانە و ڕووخێنەرانە نەك هەر هیچ خزمەتێكیان بە دۆزی كورد و خەڵكی دەڤەرەكە نەكردووە بەڵكو بوونەتە چاوساغی نەیارانی كورد و خزمەتی دوژمنانی كوردستان دەكەن ، ئەوەش هەمان سیناریۆ و چەندباركردنەوەی ئەو شانۆگەر و قەیرانسازیی ومێژووییە كە لەرابردووش تاقیكرانەوە بەڵام شكستخواردوو بوو
لە بەرامبەردا و مێژووییش گەواهیدەرە ، بەدرێژایی خەبات و بەرخودانی پارتی دیموكراتی كوردستان لە دوێنی و ئەمڕۆیی پارێزگاریكردن لە قەوارەی هەرێمی كوردستان و ئینجا وەك حزبی پێشەنگ لە هەڵگرتنی ئەرك و بەرپرسیاریەتی مێژوویی بەرامبەر بە دۆزی رەوای گەلەكەی ، هەمیشە هەوڵی داوە و خزمەتی خەڵكی كوردستان بكاتە بە بێ جیاوازی حزبی و ناوچەیی و ئینجا هەموو هەوڵەكانی لە پێناو سەقامگیری وئاشتی و ئارامی وپێكەوەژیان بووە ، هەر ئەوەشە وایكردووە رۆژ بە رۆژ پێگەی جەماوەری بەرفراوانتر وبەهێزتر بێت ، بە پێچەوانەوە لایەنەكانی دیكەش كە هیچیان لە هەگبەدا نییە و جگە لە زیان گەیاندن بە دۆزی كورد وخزمەتی نەیارانی كوردستان بەردەوام لەگەڵ هەر هەڵبژاردنێك لە پاشەكشێدایە ، بۆیە ئەوەی ئێستا یەكێیتەكەی بافڵ تاڵەبانی و نەوەی نوێی شاسوار عەبدوڵواحیدی بارمتەكراو دەیكەن ، پەلەقاژەیەكە بۆ شانۆگەریی مانەوە و خۆسەپاندنێكی نالۆژیكانە ، بەڵام ئەوەی جێگەی هەڵوەستەكردنە ، نەوەی نوێیش دەنگەكانی ناڕەزای یەكێتیی بۆ خۆی كۆكردۆتەوە نەك بۆ ئەوەی بچێتە ناو یەكێـتێەكەی بافڵ ،بەڵكو وەك ئۆپۆزسیۆنێكی تەندروست ، نەك ئۆئۆزسیۆنێكی ساختە و بەكرێگیراو لە خزمەت نەیارانی كوردستان ، بەڵام ئەوەی لە ئێستادا دەبینرێت و یەكێتیی و نەوەیی نوێ تەنها خزمەتكردنی خۆیان و بنەماڵەكەیان دەكەن و هەموو دروشمە گەورەكانیان ،چەواشەكار و درۆ دەرچوون
دەتوانین بڵێن ، هەموو ئەو حزبابەنەی لە دڤەری سلێمانی بە دروشمی جۆراجۆر و بەناوی ئۆپۆزسیۆن دروستكران ، هەر بزوتنەوەی گۆڕان ، تا هاوپەیمانی بۆ دیموكراسی و داپەوەری ، لێكترازانی یەكێتیی و دروستكردنی بەرەی گەل ، ئینجا نەوەی نوێ و هتد .. هەموویان بۆ بەرژوەندی و مەرامی تایبەتی و كەسی دروستكران و هەمووشیان دوای ماوەیەك بە شێوەیەك هەڵوەران و لێتكترازان كە لەمێژوودا وێنەیان نەبووە ، لە ئێستاشدا بە خۆڕادەستكردنی شاسوار عەبدولواحید و كورسییەكانی خەڵكی ناڕەزایی سلێمانی بزمارێكی لە تابووتی نەوەی نوێیدا ، سەبارەت بە یەكێتیەكەی بافڵ تاڵەبانی ، هەر لەسەرەتای دەستبەكاربوونییەوە ، بەرادەستكردنی نیوەی خاكی كوردستان و ئەو كەركووكەی كە بە قودس ناویان دەبرد و ئینجا دژایەتی ریفراندۆمی سەربەخۆیی و چاوساغی بۆ نەیارانی كوردستان بەمەبەستی كۆتایی هێنانی بە قەوارەی هەرێمی كوردستان و لە هەمان كاتیشدا نەوەی نوێ و یەكێتیەكەی بافڵ ، هیچ ئەزموونێكی سیاسیی و هەرگیز لەبەرژوەندییە باڵاكانی نەتەوە و نیشتیمان كاریان نەكردووە ، جگە لەوەی زیانیان بە بیروباوەری نیشتیمانی و خزمەتكاری نەیارانی كوردستان نەبێ و لە ئێستاشدا هەردووكیان كار بۆ لێكتزان و ناوچەگەڕێتی و بارمتەگڕی سلێمانی و پەرلەمان دەكەن بۆ دەستكەوتی حزبی و كەسی ، لەوەش كارەساتبارتر گەوجاندنی جەماوەر بە ناوی ئۆپۆزسیۆن و بەرگری لە مافەكانیان و بەكارهێنانی دەنگەكانیان بۆ خزمەتكردنی خۆیان . لە رابردووشدا هەندێك لایەنی پێش یەكێتیەكەی بافڵ و نەوەی نوێی شاسوار ، خەڵكیان بۆ كاری تێكدەرانە و بە مەرامی رووخاندن بەكارهێنا ، بەڵام دواتر دەركەوت كە هەموو ئەو كارانە تەنها بۆ حەزی كەسی و بەرژوەندی تایبەتییە ، بۆیە هەموو ئەو حزبە كورد زمان و بەناو ئۆپۆزسیۆنانە جگە لە بەرژوەندی حزبی و قەیرانسازی ساختە بۆ خزمەتكردنی دوژمنانی ئەم قەوارەیە و گەلی كورد هیچی دیكەیان لە هەگبەدا نەبووە و نابێت و پارتی دیموكراتی كوردستانیش بە پشتیوانی خوا و ستراتیژی پارێزگاریكردن لە قەوارەی هەرێمی كوردستان و دەستكەوتەكانی و خزمەتكردنی جەماوەری و گەشەپێكردنی كوردستان هەنگاوەكانی بەرەو لووتكە و كوردستانێكی بەهێزتر و ئاوەدانترە .
