غیاس خالد زێباری
شێخ عەبدولسەلام بارزانی ئەو مرۆڤێ د ژیێ زارۆکینیێ بوویە زانا و د سنێلەیی دا بوویە پێشەوا و د لاوینیێ دا بوویە رێبەر و شەهید، شێخێ ناڤبری لسالا ١٨٨٧ د ماڵباتا شێخێن بارزان یا نشتیمان پەروەر و مرۆڤ پەروەر و ئاییندار و چاکسازخواز و شۆرەشگێر هاتیە سەردونیایێ، با و باپیرێن وی شێخ محەممەد و شێخ عەبدولسەلامێ ئێکێ و باب و باپیر و باپیرە گەورێن وان زانا و نشتیمان پەروەر و چاکسازخواز بوونە.
شێخ عەبدولسەلامێ دوویێ د ژیەکێ بچیک دا لبەر دەستێ بابێ خۆ دخوینیت و هەر زوی فێری زانستێن ئیسلامێ دبیت و نیشانێن بلیمەتیێ لێ دیار دبن، ل ساڵا ١٩٠٣ د ژیێ شازدە ساڵیدا پشتی وەغەرا بابێ وی دبیتە رێبەرێ تەکیا نەقشەبەندی ل بارزان و دەڤەرێ و دەست ب چاکسازیێن چڤاکی یێن مەزن و بێ وێنە دکەت وپاشان دبیتە رێبەرەکێ نشتیمانی و نەتەوی و پشتێ سەرەدان و راوێژکرنێ لگەل کەسایەتیێن زانا و جڤاکی یێن دەڤەرا بەهدینان لساڵا ١٩٠٧ د ژیێ ٢٠ ساڵیدا لماڵا شێن محەمەدێ بیرفکی وەکی سەرۆکێ کۆڕبەندا کوردی دهێتە دەستنیشانکرن و داخازیێن خەلکێ کوردستانێ بناڤێ وی د یاداشتنامەیەکێدا بۆ سولتانێ ئۆسمامی عەبدولحەمیدێ دوویێ دهێنە بلندکرن و لسەر وان داخازیێن کوردا شۆرەشەکێ دکەت و د ژیێ (٢٧) ساڵیدا دهێتە شەهیدکرن ( سێدارەدان ).
مەبەستا من نە ئەوە دڤێ گۆتارێدا بەحسێ کار و خەبات و چاکسازیێن جڤاکی یێن شێخ عەبدولسەلامێ بارزانی بکەم، تنێ من دڤێت بەڕاووردیەکێ لگەل گەنجاتیا شێخ عەبدولسەمێ بارزانی و ژیان و کار و کریارێن گەنجێن ڤی سەردەمی بکەین،
ڕامان نە ئەوە کۆ گەنجێن کوردستانێ یێن ڤی سەردەمی کەسێن ئەکتیڤ و شیاندار نیە.
لێ پێتڤی گەنجێن نهۆ بزانن چەوا و بۆچی شێخ عەبدولسەلام بارزانی د وان کاودانێن بەری ١٢٠ ساڵا یێن چڤاکی و سیاسی و ئابووری د ژیێ گەنجاتیێ دا شیا ببیتە زانا و گەسایەتیەکێ پەروەردەیی و چاسازخواز و رێبەرەکێ نشتیمانی و شۆڕەشگێر، راستە پەروەردەیا ماڵباتێ و ژینگەها جڤاکی یا دەوروبەر فاکتەرێن وان چالاکیێن شێخی بوون، لێ دۆربینا شێخی یا پاشەرۆژێ و خاندنا رەوش و کاودانانێن سیاسی و جڤاکی ب لیزانی شێخێ شەهید گەهاندە وێ کۆپیتکا باوەری بخۆبوونێ و بلندیا هەستا نشتیمانی و نەتەوایەتی و درۆستکرنا ئێکرێزیێ.
ئەگەر گەنجێن ڤی سەردەمی ژی مینا شێخی باوەری بخۆ هەبیت و لجهێ مژوولبوونێ ب ب یاریێن ئەلکترۆنی و ب هەدەردانا دەمی ب کارێن بێ مفا ل تۆڕێن جڤاکی، زێدەتر گرنگیێ بدەنە خاندنێ و خاندنا پەرتۆکا و کار لسەر پرۆژێن نشتیمانی و نەتەوی و چاکسازیێن جڤاکی بکەن، رەوشا جڤاکی و سیاسی یا هەرێما کوردستانێ دێ بەرەڤ پێشڤەچوونێ چیت و ئارامی و سەقامگیری و ئێکرێزی دێ بەرجەستە بن، چونکی ئەڤرۆ ئاڵاڤێن خۆ پێگەهاندنێ زێدەتر و ب ساناهترن .
بارێ ئەڤرۆ یێ جڤاکێ مە ب گشتی و یێ گەنجان ب تایبەتی زۆر لسەردەمێ شێخ شێخ عەبدولسەلامی سڤکترە، نەخاسمە کۆ ئەم خودان قەوارەیەکێ خۆماڵینە و سەرۆکێ هەرێمێ و سەرۆکێ حکومەتێ کۆ هێشتا گەنجن و لسەر رێباز و پرۆژێن شێخ عبدولسەلام بارزانی هاتینە پەروەردەکرن و پێگەهاندن و رێنمایی یا ل پێشەوایێ ڤی سەردەمی یێ رێبازا بارزان ، سەرۆک و رێبەرێ گەلێ کورد مەسعود بارزانی وەردگرن .
رەنگە پشکەکا زۆرا گەنجێن ڤی سەردەمی وەسا هزر بکەن کۆ دەلیڤە بۆ نەهاتیە رەخساندن و پشتەڤانی ناهێتە لێکرن، ب دیتنا من ئەگەر ئەندامێن جڤاکی بتایبەت گەنج هەر ئێک لجهێ خۆ بزاڤێ بکەت و هەوڵا چاکسازیێن جڤاکی و ئێکرێزی و خۆ پێگەهاندنا هزری کەت، دەلیڤێن باش دێ بۆ هێنە رەخسادن و رۆلێ وان دێ دیار و بەرچاڤ بیت، ئەگەر هیچ نەبیت رەوشا سیاسی یا کوردستانێ باش بخۆینن و رەفتار و سەرەدەریێن حزب و لایەن و کەسایەتیێن سیاسی بۆ ئێکرێزیێ و چاکسازیا و سەروەریا یاسایێ و گەهاندنا پرۆژێن خزمەتگۆزاری و دابینکرنا ئارامی و سەقامیریێ، بکەنە مەرجێ دەگندان و لایەنگیریا حزبایەتیێ زۆر ئاریشە و ناکۆکیێن کورڕستانێ دێ چارەسەر بن و ئەرکێ جڤاکی و نشتیمانیێ سەرملێ گەنجان ژی دێ هێتە ئەداکرن ، پەڤە ژی ئە ئەرکەکێ زۆرێ گرانە و هەر کەسەک دشێت ئەدا بکەت و حزمەتەکا مەزنە بۆ جڤاکی و وەڵاتی و پاشەرۆژێ و ڤەمراندنا ئاگرێ دووبەرەکێ و پاشڤەمانێ یە ، پێتڤی یە سازیێن پەروەردەیی و رەوشەنبیری یێن حکومەتا هەرێما کوردستانێ ژی رۆلەکێ اش و ئەکتیڤ هەبیت بۆ گەنجێن وەڵاتی ژلایێ پەروەردەیی و دابینکرنا پێتڤیێن وان، چونکی گەنجێن کوردستانێ ل شۆڕشێن بەرێ و پاراستنا قەوارێ هەرێما کوردستانێ ل مەترسیان هەردەم پێشەنگ بوونە.
