مەسرور بارزانی : ئەم ئاڵایە كە ئاڵای هەموو پێكهاتە جیاوازەكانی كوردستانە، بەرز و پیرۆز رادەگرین
زاری كرمانجی :
پەرلەمانی كوردستان رۆژی 17-12ـی هەموو ساڵێكی وەكو رۆژی ئاڵاى كوردستان دیاریكردووە، بەم بۆنەوە سەرۆكوەزیرانی هەرێمی كوردستان پەیامێكی ڤیدیۆیی بڵاوكردەوە و باس لەوە دەكات :” با هەموومان لەژێر سایەی ئاڵای كوردستاندا بەرەو ئاشتەوایی هەنگاو بنێین.”
مەسرور بارزانی، سەرۆكوەزیرانی هەرێمی كوردستان لە پەیامە ڤیدیۆییەكەی دەڵێت،” ئەم ئاڵایە كە ئاڵای هەموو پێكهاتە جیاوازەكانی كوردستانە، بەرز و پیرۆز رادەگرین.”
لە بەشێكی تری پەیامەكەیدا مەسرور بارزانی دەڵێت:” سەری رێز و نەوازش بۆ شەهیدە سەربەزرەكانمان دادەنوێنین، كە لەپێناو ئەم ئاڵایە و خاكی كوردستان، گیانی حۆیان بەخت كرد.” هەروەها سوپاسی پێشمەرگەش دەكات و دەڵێ:” سوپاس و دەستخۆشی لە پێشمەرگە قارەمانەكان دەكەین، كە بە تێكۆشان و خۆڕاگری و قوربانیدان، ئەم ئاڵایەیان هەمیشە بەرز و شەكاوە راگرتووە.”
سەرۆكوەزیرانی هەرێمی كوردستان لە كۆتایی پەیامەكەیدا داوا دەكات كە هەموومان لەژێر سایەی ئەم ئاڵا پیرۆزە، بەرەو ئاشتەوایی و ئاوەدانیی زیاتری كوردستان هەنگاو بنێین.
