وەرزش ـ زاری كرمانجی:
یاریگەی خەلیفەی نێودەوڵەتی، دەبێتە شانۆی كێبڕكێیەكی سەخت لەنێوان مەغریب و كڕواتیا بۆ بەدەستهێنانی پلەی سێیەمی جامی جیهانی.
ئەمە دووەمین رووبەڕووبوونەوەی نێوان ئەم دوو هەڵبژاردەیە لەجامی جیهانی و، لەقۆناخی كۆمەڵەكان یارییەكیان ئەنجامدا و، بەبێ گۆڵ یەكسانبوون.
یارییەكە كاتژمێر 6 ـی ئێوارە دێتە ئەنجامدان. براوەی یارییەكە لەپاڵ ئەوەی پلەی سێیەم دەستەبەر دەكات هاوكات 27 ملیۆن دۆلار وەك پاداشت وەردەگرێت و، پلەی چوارەم 25 ملیۆن دۆلاری پێدەبڕێت.
