كـــاژین شـــەوكەت
توم باراك هنارتیێ تایبەت یێ ئەمەریكا وەك ئەندازیارێ گرێبەستێن سار و پراگماتیك یێ ئیدارا ترامپی، ژ ئەجێندایێن وی دۆسیەیا عێراق و هەرێمێ وەك پشكەك ژ هاوكێشا ئابووری- ئەمنی یا بهێز دبینیت، ل فكرا وی و ئەجێندایا وی دا قەوارێ هەرێمێ و هێزا پێشمەرگەی گرێدایە ب وی دەمی ڤە كەنگی قازانجێ پێشكێشی ئەمەریكا بكەن..!توم باراك وەك وێ ئاخفتنا هێنری كیسنجەری جێ بەجێ دكەت دەما كو ل هەمبەری كوردان كری گوتی (كارێ هەوالگیری كارەكێ خێرخوازی نینە) واتە: پراگماتیكی یە.
ل دویف راپورت و ئاژانسێن هەوالگیری و ئاماژێن پێنتاگون، توم باراك ڤا ئەجێندایا پەیرەو دكەت:
ئێك/ ئابووری و بازرگانی و وزە
دوو/ ئەمنیەت و هەوالگیری
پێشنیارێن ستراتیژی د بەرژەوەندیا هەرێما كوردستانێ دا :
ئێك/ گرنگیدان ب دیپلۆماسیەتا غازێ و پێدڤیە هەرێم غازا سروشتی بكەتە كارتەكا سەرەكی یا دانوستاندنێ ل هەمبەری ئەجێندایا توم باراك. گرێدانا كێلگەهێن غازێ ب بەرژەوەندیێن كۆمپانیایێن ئەمریكی و پاراستنا وان، وان ئەجێندایان نەچار دكەت كو بۆ پاراستنا بازاڕی، بەرگریێ ل سەربەخۆییا دارایی و پێگەهێ فیدراڵی یێ هەرێمێ بكەت.
دوو/ پێكێشكرنا گرێبەستێن ئەمنی یێ هەردەمی كو دەزگەهێن هەوالگیری یێن هەرێمێ پێدڤی ب خۆ وەك شریكێ تاك و بتنێ و بێ جێگیر یێ ئەمەریكا نیشا بدەت، بۆ كێمكرنا هەژموونا ئیرانی دناڤ جەرگێ عێراقێ دا. پێشكێشكرنا زانیاریان دوسەیا ئەمنی یا پێشمەرگەی ل پێنتاگون بهێزتر دكەت.
سێ/ ئێكخستنا لیوا هێزێن پێشمەرگەی پێدڤیە ببیتە ئەولەوییەتەكا نیشتمانی. ئەڤ چەندە هەم ڕێگریێ ل بڕینا هاریكاریێن ئەمریكا دكەت، و هەم پێگەهێ هەرێمێ وەك یەكەكا فەرمی و خودان دیسپلین ل ئەفكار و ئەجێندایا توم باراكی بلند دكەت.
چار/ چونكی توم باراكی كار ل سەر كریە و پەیوەندیێن مێژووی و توند دگەل شاهنشینێن كەنداڤی وەك ( ئیمارات و سعودیێ) هەنە، پێدڤیە هەرێم لوبیەكا هێز یا ئابووری دڤان وەلاتان دا ئەكتیڤ بكەت، داكو وەك گڤاشتنەكا نە راستەوخو ل سەر ئەجێندایا باراكی هەبیت، هاندەریێ بۆ پرۆژەیێن هەرێمێ بدەن.
ئەنجام :
كلیلا سەركەفتن و گوهرینا زمانێ دیپلوماسی دگەل ئەجێندایێن تۆم باراكی بۆ هەڤبەشیا زمانێ ئابووری و هەوالگیری.
