زاری کرمانجی – تەکنەلۆژیا
شەڕی ڕیکلامی شاومی دەستی پێکردەوە. کۆمپانیاکە بانگەشەی ئەوە دەکات کە پلەی گەرمی مۆبایلە سەرەکییەکانی زنجیرەی شاومی ١٣ تا ٨.٢ پلەی سەدی فێنکتر دەمێنێتەوە لە کاتی یاریکردندا لە ئایفۆن ١٤.
دوای چەند مانگێک دەنگۆ و ڕاپۆرت و دواخستنی ڕووداوی خستنەبازاڕی زنجیرەی شاومی ١٣، دواجار دوێنێ ئەم مۆبایلە پێشەنگانە بە فەرمی ناسێنران. ئەم مۆبایلانە هاوشێوەی زۆربەی ڕکابەرەکانی ئەپڵ بە بەراورد بە نوێترین نەوەی ئایفۆن زۆر شتیان نەبوو. بێگومان ئەو براندە چینییە بانگەشەی ئەوەی کردووە کە زنجیرەی شاومی ١٣ لەڕووی کۆنترۆڵکردنی پلەی گەرمی لە کاتی یاریکردندا لە ئەپڵ تێپەڕیوە.
پێش ناساندنی زنجیرە نوێی مۆبایلە پێشەنگەکان، شاومی لە هێرشە ڕیکلامییەکانیدا چیپی A16 Bionic ی کۆمپانیای ئەپڵی کردە ئامانج. بە بڵاوکردنەوەی تیزەرێک، کۆمپانیاکە بانگەشەی ئەوەی کرد کە کارایی گرافیکی سناپدراگۆن ٨ Gen 2 system-on-chip کە لە هەردوو مۆدێلی شاومی ١٣ بەکاردێت، بە بەراورد بە نەوەی پێشووی بە ڕێژەی ٤٢% باشتر بووە، هەروەها لە A16 ی ئەپڵ تێدەپەڕێت ئەم ڕوانگەیە. بەپێی هەواڵێکی ماڵپەڕی Wccftech، لەکاتێکدا هیچ ئامارێکی ورد بۆ ئەم دەنگۆیە ڕانەگەیەندراوە، بەڵام ئەنجامی بەراوردکردنی مۆبایلە پێشەنگەکانی ئێستای شاومی و ئەپڵ دەریدەخات کە مارکەی چینی لە بەڕێوەبردنی گەرمیدا ئاستێکی باشتری پێشکەش کردووە.
