نرخی نەوت زیاتر دابەزی

پشتیوان کەریم – زاری کرمانجی :

بەپێی گوتەی نەوت فرۆشێکی سەنتەری قەزای ناوەندی سۆران، نرخی نەوت ڕۆژ بە ڕۆژ لە دابەزیندایە و دەڵێ:” ئەمڕۆ دووشەممە، نرخی نەوتی سپی لە بازاڕەکانی نەوت فرۆشاندا زیاتر ڕووی لە دابەزین کردووە.”
مەغدید ئۆمەراوەی نەوت فرۆش، ئەوەشی خستە ڕوو:” لە ئێستادا نرخی یەک بەرمیل نەوتی بەسڕە 225 هەزار دینارەوە و نرخی یەک بەرمیل نەوتی موسڵ یش بە 215 هەزار دینار دابەزیوە، هاوکات نرخی یەک لیتر نەوتیش بە 1050- 1000 دینار دەفرۆشرێت لە بازاڕەکاندا، بەراورد بە هەفتەی ڕابردوو بڕی دە هەزار دینار بۆ هەر بەرمیلێک دابەزیوە.”