رێبوار حەمەلاو شوانى
رۆژى 20 ـی ئایارى 1962 یادى پێشمەرگەیەکە کە لە تەمەنى 16ى ساڵییەوە چەکى پێشمەرگایەتى و شەرەف و کۆڵنەدانى لە پێناو دۆزى ڕهوای گەلەکەى کردە شانى و هەموو تەمەنى داکۆکیکارى نەتەوە و نیشتیمانەکەى بووە و پرسى کوردى لە پێشینەى هەموو ئەرک و بەرپرسیاریەتییەکانى دیکەى داناوە.
ئەمڕۆ 64 ساڵەى خەباتى پێشمەرگهیهكه، ئەویش سەرۆک مهسعود بارزانییە، کە هەردەم وەک مەشخەڵى رووناکى و ڕێنشاندەر بووە بۆ هەموو نەتەوەى کورد و ئایین و پێکهاتە نەتەوەیی و ئایین و ئایینزاکان . لە سەردەمى کۆمارى کوردستان لە شارى مەهاباد، سەرۆک بارزانى لە ژێر ئاڵاى پیرۆزى کوردستان و لە رۆژى 16ى8ى 1946 کە یادى لەدایکبوونى پارتى دیموکراتى کوردستانە لە دایکبووە.
سەرۆک بارزانى هەموو تەمەنى خۆى لە پێناو سەربەخۆیی و ئازادى و سەربەستى کوردستان تێپهڕاندووه، ڕووبەڕووى دەیان پیلانگێرى و گەلەکۆمەکى و هەوراز و نشێو بووە، وەک سەرکردەیەکى سیاسى و سەربازى ئەرکەکانى بەجێگەیاندووە و پێشمەرگەیەک کە وەک چیا بەرامبەر داگیرکەران و دوژمنانى کوردستان وەستاوەتەوە. وێراى هەموو پیلانگێرییەکان و ئاستەنگ و کۆسپەکان سەرۆک مسعود بارزانى و وەک چیاییەکى سەرکەش و بەرز هەمیشە سەرفراز بووە بەرامبەر بە نەتەوە و نیشتیمانەکەى، وەک سەرکردەیەکى خاوەن ئەزموون و کارێزماتێک و رابەرێکى مێژوویی تەماشا دەکرێ، هەر لە سەرەتاى تەمەنییەوە کە چەکى پێشمەرگایەتى و شانازى لەشان کردووە، لە پێناو بەدەستهێنانى مافەکانى کوردو ڕزگارکردنیان لە زۆردارى ڕژێمە یەک لە دواى یەکەکانى عێراق، لە سەردەستى سەرۆک بارزانى لەو قۆناغهدا تا بە ئێستاشەوە دەستکەوتى زۆر مەزن بەدەستهاتوون و ئێستەش بەردەوامە، بۆ ئەوەى گەلى کورد بگەێنێتە کەنارى ئارامى و ئاواتە لەمێژینەکەى وێستگە مێژووییەکانى خەباتى پێشمەرگایەتى سەرۆک بارزانى لە چەند بەشێکدا ئاماژەى پێدەکەین :
دواى پیلانگێرى دژى کۆمارى کوردستان لە ساڵى 1947، سەرۆک بارزانى لەگەڵ بنەماڵەکەى بەهۆى گوشارى زۆرى ئەو کاتەى ڕژێمەکانى ئێران وعێراق ناچاربوون بگەڕێنەوە بۆ باشوورى کوردستان، وێراى ئەوەى دەسەڵاتى ئەو کاتەى عێراق فەرمانى لێبوردەیی بۆ بنەماڵەى بارزانى، بەڵام هەموو بارزانییەکان دوورخرانەوە بۆ شارەکانى بەغدا و بەسرا، بەڵام مستەفا بارزانى باوکى ڕۆحى نەتەوەیی کورد بەردەوام لە خەبات و تێکۆشان لەگەڵ پێشمەرگە قارەمان و دواتر بۆ ئەوەى خۆیان رادەستى داگیرکەران نەکەن و شۆڕش بەردەوام بێت لەگەڵ 500 هەواڵى دواى بڕینى سنوورى دەستکردى چوار دەوڵەت گەیشتە یەکێتى سۆڤییەتى جاران و تا ساڵى 1958 وەک تێکۆشەرێکى سیاسى لەوێ مانەوە، سەرۆک بارزانى و وێستگەکانى خەباتى پێشمەرگایەتى دواى ئەوەى سەرۆک بارزانى لە ساڵى 1962 چەکى پێشمەرگایەتى و شانازى لە شۆڕشى ئەیلوول لە شان کرد، بەناچارى نەیتوانى خوێندن تەواو بکات و ناچار بووە ، هەر لەتەمەنى لاوێتیەوە بە هزرى شۆڕشگێرى و خەبات لە پێناو دۆزى رەواى گەلەکەى ، گەیشتە ئاواتى پێشمەرگەبوون و لەسەر ڕێبازێکى پیرۆز و پڕشانازى باب و باپیرانى وەک پێشمەرگە لە هەموو قۆناغەکانى تەمەنى سیاسیی و دپیلۆماسى و پێشمەرگایەتیدا، بەردەوام دووپاتى بکاتەوە کە شانازى پێشمەرگەبوونى خۆى دەکات و هەر ئەوەشە وایکردووە بە یەکێک لە کۆڵەکە هەرەسەرەکییەکانى بەرەو پێشبڕدنى دۆزى کورد دابنرێت ، سەرۆک بارزانى باش ئەو راستییەى دەزانى ئامانج و باوەرى پێشمەرگایەتى خزمەتکردن و فیداکارى بووە بۆ کورد وکوردستان، بۆیە هەمیشە خۆى پێشمەرگەى کوردستان دەزانێ وەک هەمیشەش ئاماژەى بەوەکردووە هەتا ماوم شانازى بە پێشمەرگە بوونى خۆم دەکەم و لە هەموو پلە و پۆستێک بە بەرزتر و شانازى ترى دەزانم، پێشمەرگایەتى وەک گەورهترین شانازى سەرۆک بارزانى ، هەر لەتەمەنى لاوێتیەوە پێشمەرگەبوونى بە گەورەترین شانازى زانیووە، هەرگیز خۆى لەگەڵ پێشمەرگەگانى دیکە بەجیاوازتر نەبینیووە، لە شەڕو داستانە پر سەروەرى و شانازییەکاندا لەگەڵ پێشمەرگەکانى دیکە هاوسەنگەر بووە، وێراى ئەوەى چەندین بەرپرسیاریەتیی و سەرکردایەتیی چەندین جەبهە و شەڕى کردووە ، بەڵام هەمیشە بەڕۆحییەتى پێشمەرگایەتى وەک گەورەترین شانازى خزمەتى گەل و نیشتیمانەکەى کردووە ؛ وەک جەنابى سەرۆک بارزانى دەفەرمووێت، ئەو رۆژى کە بوون بە پێشمەرگە لەدواى بارزانیی نەمرەوە چەکم هەڵگرت و وام دەزانى گەورەترین شانازیم بەرکەوت، واتە جەنابى سەرۆک مسعود بارزانى پێشمەرگایەتى لە هەموو پلە و پۆستێک بە بایەختر و پیرۆزتر دەزانێ، چونکە لە هەموو هەوراز و نشێوییەکانى قۆناغە جیاجیاکانى خەبت و گۆڕانکارییەکان لە ئەرک و بەرپرسیاریەتیدا ئەو شتەى بەلاى سەرۆک بارزانییەوە نەگۆڕبووە، ئەو رۆحییەت پێشمەرگایەتیبوونهیه بووه بەرگریکردن لە خاک و نیشتیمان وەک بەڵێن وستراتیژى پێشمەرگایەتى مێژووى هەموو ئەو داستان و بەرگریکردنەکان لە خاک و نیشتیمان و گیانى پێشمەرگایەتى لە دوێنى و ئێستاشدا پێمان دەڵێت کە ، چۆن جەنابى سەرۆک بارزانى هەمیشە بە رۆحییەتێکى پێشمەرگایەتى و وەک ڕابەڕێکى سیاسەتمەندارى کارێز و دیپلۆماتکارێکى بلێمەت ڕووبەڕووى گەورەترین پیلان گێرییەکان بووە بۆ ئەوەى خاک و نیشتیمانەکەیان و هەموو پێکهاتە نەتەوەیی و ئایین و ئایینزاکان بپارێزێت و هەر ئەوەشە خەڵکى کوردستان هەمیشە باوەرى تەوایان بەڕابەرایەتى سەرۆک مسعود بارزانی هەیە ، وەک پارێزەر و رابەرى ماف و خاکى کوردستان ، هەر ئەو هەڵوێستە نەگۆڕەى لە خەباتى نەتەوەیی ونیشتیمانى وایکردووە پارتى دیموکراتى کوردستان هەمیشە وەک هێزێکى نەتەوەیی و نیشتیمانى لەسەر ئاستى کوردستان و عێراق و ناوچەکە پێشەنگ بێت لە کوردایەتى گەلى کورد گەواهیدەرى ئەوە دەدەن کە سەرۆک بارزانى سیمبوڵى گەیشتن بە ئامانجى بەرزى کوردایەتییە ولەماوەى 64 ساڵى رابردوو بەبێ دابڕان و بێ وچان بەردەوامیی بە کاروانى پێشمەرگایەتى داوە ، نە بۆ هیچ مەبەستێکى سیاسى و پۆست و ماددى، بەڵکو بۆ ئامانج و هیوا و بیروباوهرەى خۆى بووە بە پێشمەرگە و بەهۆى دڵسۆز و هەوڵە نەبڕاوەکانییەوە ، ئێستا بووە کارێزما و رابەرى هەموو نەتەوەی کوردو هەمووان هانای بۆ دەبەن و هەر کوردێک لە هەر گۆشەیەکى ئەم جیهانە ئازارو گرفتێکى هەبێت، سەرۆک بارزانى بە خەمخۆرى و رابەرى خۆى دەزانێت، هەر ئەوەشە پێشمەرگایەتى بۆ سەرۆک بارزانى لە سەرووى هەموو پۆست و پلەیەک بووە، دڵۆپێک خوێنى پێشمەرگە لە هەموو ماڵ و موڵکى جیهان پیرۆزترە ، سەرۆک بارزانى کاتێک چەکى کرده شان لەگەڵ سەدان پێشمەرگەى دیکە لە پێناو سەربەخۆیی و ئازادى بوو، بۆیە هەمیشە ستەمکارى و بندەستى ڕەتکردۆتەوە و لە خەبات بۆ ئازادى بەردەوامە، بۆیە ئەمڕۆ ئەو بەڵێنەى کە سەرۆک بارزانى بە باوکى ڕۆحى نەتەوەیی کورد مستەفا بارزانى و گەل و نیشتیمانەکەی دا بوو، کە پێشمەرگایەتى گەورەترین پلەو پایە بێت و بە دڵسۆزى و وەفادارى خەبات بکات لە پێناو ئازادى و سەربەستى گەلەکەى و پاراستنى ئاشتى، پێکەوە ژیانى هەموو ئایین و پێکهاتە نەتەوەکانى دیکە، بەبێ جیاواز و ئینجا خەبات لەپێناو بەدیهێنانى مافى سەربەخۆیی، سەرکەوتنى ڕیفراندۆمى سەربەخۆیی و پارێزگاریکردن لە قەوارەى کوردستان و دۆزى نەتەوەیی کورد بە شێوەیەکى گشتى هەموویان باشترین گەواهیدەرن بۆ مێژوو.
