رێبوار حەمەلاو شوانی
بە درێژایی زیاتر لە یەك سەدە خەبات و بەرخودانی گەلی كورد، جیاواز لە هەموو هێز و گروپەكانی ناوچەكە و جیهان ؛ نەتەوەیی كورد جیاواز لە هەموو گەل و نەتەوەكەكانی دیكە، وێرای هەموو ئەو ستەمكاری و داگیركاری و هەوڵانەی دوژمنان و داگیركەران و زڵهێزان بەرامبەریان كردوویانە، بەڵام بە رۆحێكی مرۆڤدۆستی و دڵفراوانی و خەباتێكی پاك و بێگەردیان بۆ وەدیهێنانی مافەرەواكانیان لە ناو هەموو گەل و نەتەوەكانی ناوچەكە كردووە، ئەویش گەڕاندنەوەی خاك و ماف و ئازادی بووە كە بەناهەق لێیان زەوتكردووە و خاكەكەیان بە سەر عەرەب، فارس، تورك دا دابەكردووە، لەگەڵ هەموو ئەو زۆردارییەی داگیركەران بەڵام هەرگیز ستەمكاری و كردەوەیەكی نامرۆڤایەتی دژیان ئەنجام نەداوە و هەموو بەهاكانی مرۆڤ بوون و كوردبوون جیاواز لە هەموو شۆڕش و راپەڕینی ناوچەكە پاراستووە كە پێشێڵی هەموو بەهاكانی مافی مرۆڤ كراوە.
شۆڕش و راپەڕینەكانی كورد بەڵگەیەكی وەك بەڵگەیەكی حاشاهەڵنەگر :
بەدرێژایی شۆڕشەكانی كورد بەهەڵدانەوەی لاپەرەكانی مێژوویی شۆڕش وراپەڕینەكانی نەتەوەی كورد ، جگە لە بەدەستهێنانەوەی خاك و مافەزەوتكراوەكانی خۆی ، هەرگیز پەنای نەبردۆتە بەر داگیركردنی موڵك و ماڵ و خاكی هیچ وڵاتێكی دیكە و ئینجا كوشتن و تەقاندنەەوە و بارمنەگری ، هەرگیز پەنای نەبردوو بۆ ئەوەی ببێتە ئامرازێك بەدەستی داگیركەران و وڵاتانی دیكەوە ، چونكە ستراتیژ و كوردبوونی و بەهاكانی مرۆڤدۆستی و پێكەوەژیان و ئاشتیخوازی پێش هەموو پرسێكی دیكەوە بووە ،واتە شەڕی كورد لە خۆشەویستی و شەڕانگێزی بووە بەڵكو لە پێناو بەرگریكردن لە خۆی و مافەرەواكانی بووە
پێشمەرگە و شەڕی جیهان تیرۆریستان :
لە گەرمەی شەڕی تۆقێنەری لەو كاتە سەخت و هەستیارانەی كە ناوچەكە وجیهان بەهۆی شەڕی تیرۆریستانەوە ڕووبەڕووی ببوونەوە ، هێزی پێشمەرگەی كوردستان و گیانفیدایی گەلی كورد ، نەك هەر تەنها بەرگری لە سەر كوردوكوردستان كرد ، بەڵكو ڕێگەی نەدا و بە چەكی سادەی دەستی لە كاتێكدا عێراق چەندین جار ڕەتیكردەوە تا چەك و تەقەمەنی بۆ هێزی پێشمەرگەی كوردستان بنێرێت ، توانی بەئیرادەی پۆڵاینی خۆی هەموو مرۆڤایەتی لە هەڕەشەی تیرۆریستان بپارێزێت ؛ ئەوەش تەنها پشتیوانی نێودەوڵەتی نەبوو ، بەڵكو هەوڵ و هاوكاری هەموو گەلی كورد بووە لە هەموو ڕوویەكەوە ، ناكرێت هاوپەیمانان و بەتایبەتی زڵهێزێكی وەك ئەمەریكا بڵێت ئێمە تەنها هاوكاری كوردمان كردووە ، بەڵكو ئەوان باش دەزانن كە گەلی كورد ئەگەر بێ چەكیش بێت ئەوا بەرگری لە خاك و نەتەوەكەی خۆی دەكات و لەو پێناوشدا هەزاران پێشمەرگە و شەڕڤان لە باشوور و رۆژئاوا و رۆژهەڵاتی كوردستانیش ڕووبەڕووی دڕندەترین ڕێكخراوی تیرۆریستی بەناوی داعش بوونەوە ، ئەوەش بۆ هەموو جیهانی سەلماند گەلی كورد ، گەلێكی بوێر و ئازایە ئەگەر خیانەتی لێنەكرێت ، هیچ داگیركەر و وڵاتێك و تیرۆریستێك ناتوانێت ڕووبەڕووی ببێتەوە
كورد خاوەن دۆزێكی رەوایە كە لە هەموو چەك و سەرەوەتێك پڕبەهاترە :
گەلی كورد وەك نەتەوەیەكی تێكۆشەرو شۆڕشگیڕ بۆ ئەوە خەباتی نەكردووە تا چەك و پارە لە وڵاتێكی دیكە وەربگرێت و شەڕی دەوڵەتێكی دیكەی پێبكات ، بەڵكو خاوەن دۆزێكی رەوایە ، هەمیشە لەو پێناوشدا و سازش نەكردنی لەسەر ماف و خاكی ڕووبەڕووی هەوڵی سڕینەوە و لەناوبردن بووەتەوە ، لەگەڵ ئەوەشدا بە گەواهیدەری هەموو ناوەندە ئاكادێمییەكان جیهان ، پێشمەرگە متمانەپێكراوترین هێز بووە كە بە فیدڕاكاری و خۆێنی خۆی مێژوویی پڕ سەروەری لە پێناو ئازادی گەلەكەی نووسیووتەوە ، بۆیە ئەگەریش لە هەر حاڵەت و دۆخێكدا لەگەڵ هێزەكانی ئەمەریكاو هاوپەیمانان وەك هاوبەش و هاوپەیمان ئەركەكانی جێبەجێكرد بێت ، ئەوا بەو مانایە نییە ، كە وا لە ئەرك و بەرپرسیاریەتییە نەتەوەیی ونیشتیمانییەكانی لادەدات و دەبێتە هێزێكی میلیشیایی و پارە وەڕگر ، بەڵكو هەمیشە وەك هاوپەیمانییەتیەكی متمانەپێكراوە ئامانجێكی دیار هەبووە بۆیە، پێشمەرگە ، ناوێكی مەزن و ئەركێكی پیرۆزی لە سەر شانە و هەڵگرتووە ، تاكە هێزی جیهانییە بەدرێژایی مێژوو نەچووەتە ژێر باڵی هیچ وڵاتێكەوە تا بەكار بهێنڕێت ، ئەوەی لەگەڵ هاوپەیمانانیش دژی ڕێكخراوە تیرۆریستەكان و ئازادی عێراق و هەر پرسێكی دیكەی ئەمنی ڕوویدا بێت ، تەنها بە ویستی وڵاتانی زڵهێز و هێزەكانی هاوپەیمانان بووە ، ناكرێت كۆمەڵگەی نێودەوڵەتی و زڵهێزان و بەتایبەتی ئەمەریكاش ئەو راستییەیان لەبیر بچێت ، ئەگەر فریادڕەسی هێزی پێشمەرگەی كوردستان نەبووایە ، ئێستا شوێنی ئارام و سەقامگیر لە جیهان بوونی نەدەما ، بابەتەكەش چەك و پارە نییە ، خۆ ئەگەر وابووایە ، هێز و سوپای عێراق خاوەن پێشكەوتووترین چەك و داهات بوون بەڵام نەیانتوانی تەنها بۆ یەك كاتژمێر بەرگەی تیرۆریستان بگرن ، لەوەش گرنگتر ئەوەیە ، گەلی كورد ، شۆڕش و قوربانی بەخشیووە نەك لە پێناو چەك و پارە ، بەڵكو لە پێناو بەدیهێنانی ئازادی و سەربەخۆیی وەك مافێكی رەوا و هاوشێوەی هەموو ئەو گەل و نەتەوانەی خاوەن دەوڵەتن .
