زاری كرمانجی – هەولێر:
سەرۆكی حكوومەتی هەرێمی كوردستان، پێشوازیی له باڵوێزی نوێی یۆنان لە عێراق كرد و پیرۆزبایی ده‌ستبه‌كاربوونیشی لێ كرد.
ئه‌مڕۆ یه‌كشه‌ممه 11/12/2022، مه‌سرور بارزانی، سەرۆكی حكوومەتی هەرێمی كوردستان، پێشوازیی له جۆرجیۆس ئه‌له‌مانۆس، باڵوێزی نوێی یۆنان لە عێراق كرد، لە دیدارەکەدا کە ستاڤرۆس کریمیس، کونسوڵی گشتیی یۆنان لە هەرێمی کوردستان ئامادەی بوو، سه‌رۆكی حكوومه‌ت پیرۆزبایی دەستبەکاربوونی لە باڵیۆز کرد و هیوای سەرکەوتنی لە ئەرکەکەیدا بۆ خواست لە پێناو بەرەوپێشبردنی پەیوەندییەکانی هەرێمی کوردستان و یۆنان.
هه‌ر له دیداره‌كه‌دا، باڵیۆزی یۆنان ئاماژەی بە پەیوەندیی مێژوویی و دۆستانەی نێوان هەرێمی کوردستان و یۆنان کرد و ئامادەیی وڵاتەکەشی بۆ پەرەپێدانی پەیوەندییەکان لەگەڵ هەرێمی کوردستان لە هەموو بوارەکاندا نیشان دا، بە تایبەتی لە بوارەکانی ئاڵوگۆڕی بازرگانی و کشتوکاڵ و گەشتوگوزار و خوێندندا.
