وەرزش ـ زاری كرمانجی:
پێگەی “لیكیپ”ـی فەڕەنسی ئاشكرایكردووە، كە كریستیانۆ رۆناڵدۆ دوای كۆتایی یارییەكەیان بەرانبەر مەغریب كە بە گۆڵێكی بێ وەڵام شكستیان خوارد و، ماڵئاواییان لە مۆندیال كرد بە هاوڕێیانی گوتووە بە یەكجاری واز لە یاریكردن دەهێنێت.
بەگوێرەی رۆژنامەكە، شەوی رابردوو دوای یارییەكەی مەغریب لە ژووری جلگۆڕین كریستیانۆ بە هاورێكانی گوتووە بەیەكجاری واز لەیاریی تۆپی پێ دەهێنێت.
ئەم هەواڵە لەكاتێكدایە، كە تا ئێستا فیدراسیۆنی تۆپی پێی پۆرتوگال و كریستیانۆ رۆناڵدۆ هیچ هەواڵێكی فەرمیان لەمبارەیەوە بڵاونەكردووە.
رۆناڵدۆ، بەشداری 5 یاریی لەجامی جیهانی 2022ـی كردووە و، یەك گۆڵی تۆماركرد.
