ئادار عەبدوڵڵا _ زاری کرمانجی
بەڕێوەبەرایەتی گشتی کەشناسی و بومەلەرزەزانی هەرێمی کوردستان کەشی پێشبینیکراوی ٤٨ کاتژمێری بڵاو کردۆتەوە و ڕایگەیاندووە هەوای سارد لە درەنگانی ئەم شەو یەک شەممە ڕوو لە ناوچەکە دەکات پلەکانی گەرما نزم دەکاتەوە و ئەگەری تەرزە و بەفر بارین لە ناوچە شاخاوییەکان هەیە.
ئەمڕۆ یەک شەممە 3-5-2026 کەشی ئەمڕۆی هەرێم بە گشتی سەنتەری پارێزگاکان و قەزاو ناحیەکان و ناوچە شاخاوییە بەرزەکان و سنوورییەکان ئاسمانیان نیمچە هەور دەبێت بە درێژای کاتەکان .ئەمڕۆ بەراوورد بە دوێنێ پلەکانی گەرما بەرزدەبێتەوە و خێرای با زیاد دەکات سەبارەت بە باران بارین پێشبینی بارانی بەهاری لە هەندێ ناوچەی شاخاوی هەیە لە ماوەیەکی کورت خایەن ,ناوچە سنووریەکانی ئیدارەی زاخۆ و پارێزگای دهۆک ئەگەری چەند تاوە بارانێکی کورت خایەنی دەبێت .
خێرای با /لەسەرخۆ (10-20) کم/لە کاتژمێرێکدا . هەندێ کات زیاد دەکات .
ئاراستەی با / باکووری ڕۆژهەڵات.
مەودای بینین / لەنێوان ( 7 – 9 ) کم دەبێت.
پلەکانی گەرما / بەرز دەبێتەوە بە (2-4) پلەی سیلیزی بەراوررد بە پلەکانی دوێنێ .
هەولێر: 29 پلەی سیلیزی
پیرمام: 24 پلەی سیلیزی
سۆران: 25 پلەی سیلیزی
حاجی ئۆمەران: 17 پلەی سیلیزی
سلێمانی: 27 پلەی سیلیزی
چەمچەماڵ: 28 پلەی سیلیزی
دهۆک: 26 پلەی سیلیزی
زاخۆ: 26 پلەی سیلیزی
هەڵەبجە: 28 پلەی سیلیزی
گەرمیان: 30 پلەی سیلیزی
هەروەها سبەی دوشەممە کەش و هەوا لە ئەنجامی هاتنی بارستە هەوایەکی سارد بۆ سەر ناوچە سنووریەکان و ناوچە شاخاویەکان بارستە هەوایەکی نیمچە سارد و فێنک بۆ سەر ناوچە جیاجیاکانی تری هەرێم ئاسمانی هەرێم بەردەوام نیمچە هەور دەبێت ئەگەری باران بارین و تەزرە بارین لەسەر ناوچە سنووریەکان و ناوچە شاخاوییەکان هەیە بارانی بەهاری لەگەڵ بوونی هەورە تریشقە لە هەندێ کاتی دوای نیوەڕۆ . پێشبینی باران بۆ سەنتەری پارێزگاکان کەمە بەڵام لە کاتی بوونی دڵۆپە باران بەهۆی بوونی بارستە هەوایەکی تێکەڵ بە تۆزوخۆڵ لە چینەکانی سەرەوە ئەگەری دابارینی ئەو تۆزوخۆڵە هەیە بە تێکەڵی لەگەڵ باران ,سبەی پلەکانی گەرما بە نزیکەی (6-8) پلە لە سەنتەری پارێزگاکان و وە نزیکەی (7-9)پلەی سیلیزی لە ناوچە شاخاوییەکان و سنوورییەکان نزم دەبێتەوە.
ئاراستەی با / باکووری ڕۆژئاوا .
خێرای با /لەسەرخۆ (10-20) کم/لە کاتژمێرێکدا .
پلەکانی گەرما / نزم دەبێتەوە بە چەند پلەیەک بەراوورد بە پلەکانی ئەمڕۆ .
بەرزترین پلەکانی گەرمای پێشبینیکراو بە پلەی سیلیزی
هەولێر: 19 پلەی سیلیزی
پیرمام: 17 پلەی سیلیزی
سۆران: 16 پلەی سیلیزی
حاجی ئۆمەران: 8 پلەی سیلیزی
سلێمانی: 17 پلەی سیلیزی
چەمچەماڵ: 19 پلەی سیلیزی
دهۆک: 16 پلەی سیلیزی
زاخۆ: 15 پلەی سیلیزی
هەڵەبجە: 20 پلەی سیلیزی
گەرمیان: 22 پلەی سیلیزی
تێبینی / ئەو بارستە هەوا ساردەی لە درەنگانی ئەم شەو یەک شەممەڕوو لە ناوچەکەمان دەکات پلەکانی گەرما نزم دەکاتەوە بە چەند پلەیەک ,کاریگەری ئەو بارستە هەوا ساردە بریتی دەبێت لە ( بەفر بارین لەسەر لووتکەی شاخە بەرزە سنوورییەکان – تەرزە بارین لە هەندێ ناوچەی شاخاوی بەرز و بەرزبوونەوەی تۆزوخۆڵ لە چینە بەرزەکانی کەشی هەرێم و بەشەکانی باشووری هەرێم ) .کاریگەری ئەو بارستە هەوا ساردە تا چەند ڕۆژێک لەسەر ناوچەکەمان دەمێنێتەوە .
