لەسەر گەندەڵی و كارەتیرۆرستییەكانی یەكێتی حكومەت چاوپۆشی ناكات

زاری كرمانجی – سۆران:
دوای ئەوە یەكێتی نیشتمانی كوردستان لە رێگەی تیمەكانی لە حكومەت و لە دەرەوەی حكومەتیش گوشار لە حكومەت و كابینەی 9 دەكات بۆ ئەوەی چاوپۆشی لە كارە تیرۆرستییەكەی هەولێر و گەندەڵی بكات، كاردانەوەی لە ناو چین و توێژەكان دروست كردووە و پێوە نیگەرانن.
هەژار حوسێن لە سنووری ئیدارەی سۆران مامۆستایە لەمبارەوە بۆ زاری كرمانجی گووتی ” بێگومان حكومەتی هەرێمی كوردستان و خودی سەرۆك وەزیران چاوپۆشی ناكات لە كاری تیرۆریستی، بە تایبەت ئەوەی بەم دوایانە لە پایتەختی هەرێمی كوردستان ئەنجام یان داوە، ئەمەش لە چوارچێوەی ئەو پلانەی كە حكومەتی هەرێم دەیەوێت یاسا رۆڵی خۆی بگرێت و بكەرانی ئەم تاوانە سزای یاسایی خۆیان وەرگرن”.
لە لایەكی دیكەشەوە لە پێناو دەستگرتن و رێكخستنەوەی داهاتی حكومەتی هەرێمی كوردستان كابینەی 9 كۆمەڵێك هەنگاوی ناون بەڵام لە خاڵە سنوورییەكانی سلێمانی رێگری لە تیمەكانی حكومەت دەكرێت تا نەتوانن داهاتی حكومەت كە موڵكی گشتییە بگەرێتەوە خەزینەی حكومەت و لە لایەن یەكێتییەوە دەبردرێت، مامۆستا هەژار حوسێن گووتی ” دەست گرتن بە سەر داهاتی خاڵە سنوورییەكان یەكێكیترە لە گەندەڵییەكانی یەكێتی، بەمەش حكومەتی دەیەوێت داهاتی هەموو خاڵە سنوورییەكان بێتەوە بۆ ناو خەزێنەی حكومەت و بۆ بەرژەوەندی گشتی بەكار بێت نەك پارەی دەروازە سنوورییەكان بچێتە گیرفانی مافیاكانی یەكێتی، یەكێتیش لەمە تۆقیووەو بۆیە كەوتۆتە دژایەتی كابینەی نۆیەم”.